The news is by your side.

Advertisement

رکن سندھ اسمبلی کے اہل خانہ کے 8 افراد بھی کروناوائرس کا شکار

کراچی: رکن سندھ اسمبلی عبدالرشید کے اہل خانہ کے 8 افراد میں بھی کروناوائرس کی تشخیص ہوگئی۔

تفصیلات کے مطابق ایم پی اے عبدالرشید کے بعد ان کے گھر کے 8 افراد وبائی مرض کا شکار ہوگئے۔ جبکہ اہل خانہ کے مزید 21 افراد کے کرونا ٹیسٹ کی رپورٹس منفی آئی ہیں۔

عبدالرشید اور ان کے بھائی جواد شعیب نے خبر کی تصدیق کردی۔ رکن سندھ اسمبلی کا کہنا ہے کہ والدہ، بہن، اہلیہ اور بچوں کے ٹیسٹ مثبت آئے جبکہ خاندان کے 21 افراد کے ٹیسٹ منفی آئے ہیں اورہ وہ صحت یاب ہیں۔

’گورنر سندھ جن جن لوگوں سے ملے، ان سب کا کرونا ٹیسٹ کرایا جائے گا‘

عبدالرشید نے بتایا کہ لیاری اور دیگر علاقوں میں فلاحی کاموں میں مصروفیت رہی تھیں، لاک ڈاؤن سے متاثرین کی مدد کے لیے ہرممکن اقدامات تاحال کیے جارہے ہیں۔

ان کا مزید کہنا تھا کہ میں نے نجی اسپتال کراچی سے اپنا کروناٹیسٹ کرایا تھا، جس کی 24اپریل کو مثبت رپورٹ آئی، ڈاکٹر کے مشورے سے گھر میں آئسولیشن اختیار کررکھی ہے۔

رکن سندھ اسمبلی نے عوام سے اپنا خیال رکھنے اور احتیاط کرنے سمیت دعائے صحت کی اپیل بھی کی۔

Comments

یہ بھی پڑھیں