مشرقی یروشلم : غزہ اسرائیلی افواج کی فائرنگ اور شیلنگ سے شہید ہونے والوں میں آٹھ ماہ کی شیر خوار بچی لیلیٰ بھی شامل ہے، جس کے بعد شہید ہونے والوں کی تعداد 63 ہوگئی ہے.
تفصیلات کے مطابق گذشتہ دنوں مشرقی یروشلم کی سرحد پر ہزاروں کی تعداد میں فلسطینی عوام نے اپنی زمینوں پر اسرائیلی قبضے کے 70 برس مکمل ہونے اور امریکی سفارت خانے کی بیت المقدس منتقلی کے خلاف پرامن احتجاج کررہے تھے. جن پر صیہونی افواج نے بے دریغ فائرنگ اور شیلنگ کردی.
غیر ملکی خبر رساں ادارے کے مطابق دو ورز قبل اسرائیلی افواج کی جانب سے فلسطینیوں پر طاقت کے اندھا دھن استعمال سے شہید ہونے والوں میں آٹھ ماہ شیر خوار بچی لیلیٰ الغندور بھی شامل ہے۔
شہید بچی کی والدہ نے غیرملکی خبر رساں ادارے سے گفتگو کرتے ہوئے بتایا کہ اسرائیلی افواج کی جانب سے مظاہرہ کرنے والے نہتے فلسطینیوں پر ڈرون کے ذریعے زیریلی آنسو گیس برسائی گئی، آنسو گیس کے باعث سیکڑوں افراد متاثر ہوئے، جس میں میری بیٹی بھی شامل تھی جو منگل کی صبح اسپتال میں زندگی کی بازی ہار گئی۔
غیر ملکی خبر رساں ادارے کے مطابق فلسطین کی وزارت صحت کا کہنا تھا کہ دو روز قبل مظاہروں کے دوران زخمی ہونے والی شیر خوار بچی دوران علاج دم توڑ گئی ہے، جس کے شہید ہونے والوں کی تعداد 63 تک جا پہنچی ہے۔
شہید بچی کی والدہ مریم الغندور کا کہنا تھا کہ لیلیٰ میری اکلوتی بیٹی تھی جو صیہونی افواج کی ظلم و بربریت کا نشانہ بن گئی۔ اسرائیلیوں نے میری زندگی کی خوشیاں چھین لیں۔
شہید بچی لیلیٰ کے اہل خانہ کا کہنا تھا کہ لیلیٰ احتجاج میں شریک نہیں تھی بلکہ اسرائیلی افواج کی جانب سے فلسطینیوں کے گھروں پر بھی آنسو گیس کے شیل برسائے گئے ہیں جس کے نتیجے میں لیلیٰ متاثر ہوئی تھی۔
مشرق وسطیٰ میں امن و استحکام کی خرابی کا باعث اسرائیل ہے، ملیحہ لودھی
خیال رہے کہ گذشتہ روز امریکی سفارت خانے کی تل ابیب سے مقبوضہ بیت المقدس منتقلی کے خلاف مشرقی یروشلم کی سرحد پر ہزاروں کی تعداد میں فلسطینی عوام مظاہرہ کرنے کے لیے جمع ہوئے تھے، جس پر صیہونی افواج کی جانب سے مظاہروں کو روکنے کےلیے وحشیانہ طاقت استعمال کیا گیا ہے۔
احتجاج کرنے والے نہتے فلسطینیوں پر اسرائیل کی دفاعی افواج کی فائرنگ سے 63 شہری شہید اور 2700 سے زائد زخمی ہوئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
