اوکاڑہ : آٹھویں جماعت کی طالبہ نے خود کو اغوا ہونے سے بچالیا ، ملزم نے بچی کو اغوا کرنے کی کوشش کی تو لڑکی کے شور مچادیا، جس پر ملزم بھاگ گیا۔
تفصیلات کے مطابق صوبہ پنجاب کے ضلع اوکاڑہ کے علاقے حجرہ شاہ مقیم کے ملنگ ٹاؤن میں آٹھویں جماعت کی یتیم طالبہ نے شور مچا کر اغواء کی کوشش ناکام بنا دی۔
اطلاع ملنے پر مقامی پولیس موقع پر پہنچی ، طالبہ کی والدہ نے پولیس کو ایک ملزم کے خلاف تحریری درخواست دے دی ہے۔
پولیس کو بتایا گیا بہاول شیر نامی اوباش نے چودہ سال کی بچی کو اغوا کرنے کی کوشش کی تو لڑکی کے شور مچانے پر لوگ جمع ہو گئے اور ملزم بھاگ گیا۔.
طالبہ کی والدہ کا کہنا ہے تحریری درخواست کے باوجود پولیس ملزم کیخلاف ایف آئی آر درج نہیں کر رہی۔