The news is by your side.

Advertisement

کرپشن کیسز: مشیر جیل خانہ جات سندھ کی درخواست ضمانت مسترد

کراچی: آمدن سے زائد اثاثہ جات کیس اور جیکب آباد ہائی وے کرپشن کیسز میں عدالت نے مشیر جیل خانہ جات کی درخواست ضمانت مسترد کردی ہے۔

تفصیلات کے مطابق سندھ ہائی کورٹ میں مشیر جیل خانہ جات اعجاز جاکھرانی کی درخواست ضمانت پر سماعت ہوئی، اعجاز جاکھرانی عدالت میں پیش نہ ہوئے،جس پر عدالت نے اعجاز جاکھرانی کی ضمانت کی درخواست مسترد کرنے کے ساتھ ساتھ عبوری ضمانت بھی مسترد کردی۔

دوران سماعت وکیل مشیر جیل خانہ جات نے عدالت میں موقف اپنایا کہ بدنیتی پر مبنی ریفرنس بنایا گیا، سیاسی مخالفین کی درخواست پر انکوائری شروع کی گئی۔جس پر نیب پراسیکیوٹر نے عدالت کو بتایا کہ مشیر جیل خانہ جات سندھ کے خلاف ہائی وے جیکب آباد اور زائد اثاثے بنانےکی انکوائری چل رہی ہے، ان کے خلاف ریفرنس دائر ہوچکا ہے۔

عدالت کی جانب سے درخواست ضمانت مسترد ہونے کے بعد نیب حکام اعجاز جاکھرانی کو گرفتار کرنے کیلئے متحرک ہوگئے ہیں۔

یہ بھی پڑھیں:  اعجاز جاکھرانی کے گھر نیب کا چھاپہ

نیب کے مطابق اعجازحسین جاکھرانی کیخلاف آمدن سے زائداثاثوں کی تحقیقات جاری ہیں۔ یاد رہے کہ وزیراعلیٰ سندھ مراد علی شاہ نے اعجازجاکھرانی کو مشیرجیل خانہ جات کا قلمدان دیا ہوا ہے، اعجاز جاکھرانی نے گزشتہ دنوں ضمانت قبل ازگرفتاری حاصل کی تھی۔

Comments

یہ بھی پڑھیں