The news is by your side.

Advertisement

پاکستان اور سعودی عرب کے تعلقات پہلے سے زیادہ مضبوط ہیں، اعجاز شاہ

اسلام آباد: وفاقی وزیر داخلہ اعجاز شاہ نے کہا ہے کہ پاکستان اور سعودی عرب کے تعلقات میں پہلے سے زیادہ مضبوطی آئی، مستقبل میں دونوں ممالک کے تعلقات مثالی حد تک بہتر ہوں گے۔

تفصیلات کے مطابق وزیرداخلہ اعجاز احمد شاہ سے سعودی سفیرنواف سعید المالکی کی  ملاقات ہوئی جس میں دو طرفہ تعلقات اور باہمی دلچسپی کے امور پر تبادلۂ خیال کیا گیا۔ اس موقع پر سعودی سفیر کا کہنا تھا کہ پاکستان کے ساتھ ہر سطح  پر بھر پور تعاون کریں گے۔

وفاقی وزیر داخلہ کا کہنا تھا کہ پاکستان سعودی عرب کےتعلقات میں ماضی کے مقابلے میں اب زیادہ مضبوطی آئی ہے، امید کرتے ہیں کہ آنے والے دنوں میں دونوں ممالک کے تعلقات مثالی حد تک بہتر ہوں گے۔

ملاقات میں سعودی عرب میں مقیم پاکستانیوں کی سہولیات میں بہتری اور تعاون کے بارے میں معاملات زیر بحث آئے- سعودی سفیر نے تمام معاملات حل کرنے کی یقین دہانی کرائی۔

سعودی سفیر نے پاکستان کی جانب سے ملنے والی سہولتوں کی فراہمی پر تسلی کا اظہار کیا اور سیکیورٹی کی صورتحال بہتر بنانے پر وزاتِ داخلہ کی کارکردگی کو بھی سراہا اور اقدامات پر اطمینان کا اظہار کیا۔

یاد رہے کہ پاکستان اور سعودی عرب کے درمیان برادرانہ تعلقات ہیں، گزشتہ دنوں وزیراعظم عمران خان نے سعودی عرب کا دورہ بھی کیا تھا جس میں خیلجی خطے میں کشیدگی اور ایران کے حوالے سے معاملات طے پائے تھے۔

یہ بھی یاد رہے کہ رواں سال اگست میں سعودی ولی عہد محمد بن سلمان نے پاکستان کا دورہ کیا تھا جس میں بہت سے اہم معاہدوں بشمول مختلف شعبوں میں سرمایہ کاری کے حوالے سے معاہدے دستخط ہوئے تھے۔

سعودی ولی عہد کا یہ بھی کہنا تھا کہ مجھے سعودی عرب میں پاکستان کا سفیر سمجھا جائے، محمد بن سلمان نے عمران خان کی درخواست پر مملکت کی جیلوں میں قید پاکستانیوں کی رہائی کی یقین دہانی بھی کرائی تھی جس کے بعد سیکڑوں پاکستانی رہا ہوکر وطن واپس پہنچے۔

Comments

comments

یہ بھی پڑھیں