The news is by your side.

Advertisement

بم کی جھوٹی اطلاع پر معمر جوڑے کو قید ہو گئی

مانچسٹر: برطانیہ میں معمر جوڑے کو بم کی جھوٹی اطلاع دینے پر قید کی سزا سمیت بھاری جرمانہ عائد کر دیا گیا۔

برطانوی میڈیا رپورٹس کے مطابق معمر جوڑے کو بم کی جھوٹی اطلاع دینا مہنگا پڑ گیا، عدالت نے قید کی سزا اور 14,500 پاؤنڈز جرمانہ کر دیا۔

جوڑے نے ساؤتھ ویلز کونسل کو تین بار فون کال کر کے بم کی جھوٹی اطلاع دی، دو بار کونسل کے ایک سو پچاس ملازمین کو عمارت خالی کرنی پڑی۔

اکہتر سالہ رونلڈ لارنس کو سولہ ماہ جبکہ شارن گڈون کو بارہ ماہ جیل کی سزا سنائی گئی، بار بار جھوٹی اطلاع دینے پر کونسل نے جوڑے پر فراڈ کا مقدمہ چلایا تھا۔

جرم ثابت ہونے پر آج سزا سنائی گئی، دونوں کو 12 ماہ ہر صورت جیل میں گزارنا ہوں گے۔

Comments

یہ بھی پڑھیں