پیرس : عمر رسیدہ خاتون باورچی خانے میں لگی قدیم پینٹنگ کی اہمیت و قیمت سے ناواقف تھیں جسے ساڑے4 ارب روپے سے زائد میں نیلام کرکے ارب پتی بن گئیں۔
اگر آپ کے پاس کوئی قدیم شے موجود ہے اسے بیکار نہ سمجھیں اور کسی قدراں یا ماہر سے اس کی اصل قیمت و اہمیت جاننے کی کوشش کریں کیونکہ ایسی ایک قدیم شے کی بدولت فرانسیسی عمر رسیدہ خاتون ارب پتی ہیں جنہوں نے اپنے کچن میں لگی تقریباً 700 سال قدیم پینٹنگ نیلام کی تھی۔
ذرائع کے مطابق اطالوی مصور کیمابونے 13ویں صدر میں حضرت عیسیٰ علیہ السلام کی یہ تصویر بنائی تھی جس سے متعلق اندازہ لگایا تھا کہ یہ کم از کم 40 سے 60 لاکھ یورو میں فروخت ہوگی تاہم اتنی قدیم پیٹنگ کی اڑھائی کروڑ یورو میں فروخت نے عالمی ریکارڈ قائم کردیا ہے۔
پیرس کے شمالی علاقے سنلس میں واقع ایکٹون نیلام گھر کا کہنا ہے کہ یہ قدیم پینٹنگ 90 سالہ فرانسیسی خاتون کے گھر میں تھی جسے فروخت کےلیے خریداروں کی اکثریت ملک گئی ہے۔
ایکٹون نیلام گھر کی انتظامیہ کا کہنا ہے کہ یہ قیمتی فن پارا خاتون کے باروچی خانے میں چولہے کے اوپر لگا تھاکئی عرصے سے لگا ہوا تھا اور خاتون کو اس کی اہمیت و قیمت کا اندازہ نہیں۔
نیلامی کرنے والے ایک شخص نے خاتون کے فرنیچر کی نیلامی کےلیے جب گھر کا دورہ کیا تو اس فن پارے پر نظر پڑی جس کے بعد اسی نے خاتون کو مشورہ دیا کہ وہ ماہرینِ آثار قدیمہ سے اس کی اہمیت کا اندازہ کروائیں۔
بزرگ خاتون کا خیال تھا کہ یہ بس ایک پرانا مذہبی کام ہے
ماہرین کا کہنا ہے کہ یہ مسیح کے جذبے اور مصلوب کے آٹھ چھوٹے پینلز کے بڑے ڈسپلے کا حصہ تھا جسے کیمابو نے 1280 کے آس پاس پینٹ کیا تھا۔
دو پینل نیو یارک کے فرک کلیکشن اور لندن میں نیشنل گیلری میں نمائش کے لئے موجود ہیں۔
