The news is by your side.

Advertisement

الیکشن 2018 فوج کی نگرانی میں کروائے جائیں گے: ذرائع

اسلام آباد: الیکشن کمیشن کے ذرائع کے مطابق الیکشن 2018 فوج کی نگرانی میں کروائے جائیں گے۔ بیلٹ پیپرز کی چھپائی اور ترسیل بھی فوج کی نگرانی میں ہوگی۔

تفصیلات کے مطابق چیف الیکشن کمشنر کی زیر صدارت الیکشن کمیشن کا اہم اجلاس ہوا۔ اجلاس میں متعلقہ افسران نے الیکشن سیکیورٹی انتظامات پر بریفنگ دی۔

اجلاس میں الیکشن کے لیے فول پروف سیکیورٹی انتظامات کا فیصلہ کیا گیا۔ ذرائع الیکشن کمیشن کا کہنا ہے کہ الیکشن فوج کی نگرانی میں کرائے جائیں گے جبکہ رینجرز کی خدمات بھی حاصل کی جائیں گی۔

ذرائع کے مطابق کوئیک رسپانس فورس کے لیے بھی فوج سے رابطے کیےجارہے ہیں۔ اجلاس میں پولنگ اسٹیشنز کے اندر اور باہر فوج اور رینجرز کی تعیناتی کی تجویز پیش کی گئی۔

ذرائع کا کہنا ہے کہ حساس پولنگ اسٹیشنز پر سیکیورٹی کے خصوصی اقدامات ہوں گے۔ صوبائی حکومتوں نے ہر ممکن تعاون کی یقین دہانی کروائی ہے جبکہ صوبوں سے حساس پولنگ اسٹیشنز کی حتمی فہرست بھی طلب کرلی گئی ہے۔

الیکشن کمیشن کے ذرائع کے مطابق پرنٹنگ پریس اور بیلٹ پیپرزکی چھپائی کی نگرانی فوج کرے گی۔ بیلٹ پیپرز کی ترسیل بھی فوج کی نگرانی میں کروانے کا فیصلہ کیا گیا ہے۔

اجلاس میں پولنگ اسٹیشنز، عملے، سیاسی رہنماؤں اور عوامی اجتماعات کا سیکیورٹی پلان تیار کرلیا گیا۔ حساس پولنگ اسٹیشنز میں سی سی ٹی وی کیمروں کی نتصیب یقینی بنانے کا فیصلہ جبکہ مانیٹرنگ ٹیموں کی سیکیورٹی کے لیے بھی انتظامات کی منصوبہ بندی کی گئی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں