الیکشن کمیشن نے سندھ سے قومی اور صوبائی اسمبلی کی مخصوص نشستوں کی فہرست جاری کر دی۔
الیکشن کمیشن کے مطابق سندھ میں خواتین اور اقلیتی نشستوں کیلئےکاغذات کی جانچ پڑتال مکمل کر لی گئی ہے جس کے بعد مخصوص نشستوں کی فہرست جاری کر دی گئی ہے۔
سندھ اسمبلی میں خواتین کی مخصوص نشستوں پر 83 امیدوار مدمقابل ہوں گے جب کہ قومی اسمبلی میں خواتین کی مخصوص نشستوں پر48امیدوار آمنے سامنے ہیں۔
الیکشن کمیشن کا کہنا ہے کہ اقلیتی نشستوں پر38 امیدوار مدمقابل ہوں گے انتخابات کے بعد ترجیحی فہرستوں کے مطابق امیدواروں کا نوٹیفکیشن جاری ہوگا ہر پارٹی کیلئےجنرل نشستوں پر خواتین امیدواروں کی 5 فیصد نمائندگی لازم ہے۔
الیکشن کمیشن نے ہدایت کی کہ سیاسی جماعتیں 5 روز میں جنرل نشستوں پر امیدواروں کی فہرست جمع کرائیں۔