منگل, فروری 18, 2025
اشتہار

الیکشن 2024 پاکستان : بڑے بڑے امیدوار میدان میں! کون ہوگا کس کے مدِ مقابل؟

اشتہار

حیرت انگیز

اسلام آباد : الیکشن کے لئے پاکستان کی سیاسی جماعتوں کی اپنے اپنے امیدوار میدان میں اتار دیئے ہیں ، کئی حلقوں میں بڑے بڑے امیدوار ایک دوسرے کے مد مقابل ہیں۔

تفصیلات کے مطابق پاکستان میں 8 فروری کو الیکشن ہونے جارہے ہیں ،امیداروں کی فہرستیں تیار ہوگئی ہیں، اس بڑے مقابلے میں بڑے بڑے امیدوار میدان میں ہیں۔

این اے 130 لاہور سے قائد ن لیگ میاں نوازشریف کا مقابلہ پی ٹی آئی کی یاسمین راشد سے ہوگا، چیئرمین پیپلز پارٹی بلاول بھٹو این اے 127 لاہور سے میدان میں اتریں گے، جہاں پی ٹی آئی امیدوار ظہیر عباس ان کے مدمقابل ہوں گے۔

سربراہ پی ڈی ایم مولانا فضل الرحمان این اے 265 پشین سے الیکشن لڑیں گے، ان کا مقابلہ پی ٹی آئی کے سید ظہور آغا کریں گے۔

این اے 100 فیصل آباد سے ن لیگ کے رانا ثنااللہ کو پی ٹی آئی کے ڈاکٹر نثار حسین ٹف ٹائم دیں گے، این اے 76 پر ن لیگ کے احسن اقبال کا مقابلہ پی ٹی آئی کے کرنل (ر) جاوید سے ہوگا۔

این اے 242 کراچی کیماڑی اور این اے 247 کراچی وسطی میں ایم کیو ایم پاکستان کے مصطفیٰ کمال کا ٹاکرا پیپلز پارٹی کے امیدوار قادر مندوخیل سے ہوگا۔

این اے 246 کراچی غربی پرایم کیوایم پاکستان کے امین الحق اور امیر جماعت اسلامی کراچی حافظ نعیم الرحمان سے دو دو ہاتھ کریں گے۔

این اے 171 سیالکوٹ سے ن لیگ کے خواجہ آصف سے مقابلہ پی ٹی آئی کے سابق رہنما عثمان ڈار کی والدہ ریحانہ امتیاز ڈار سے ہوگا۔

این اے 56 روالپنڈی پر سربراہ عوامی مسلم لیگ شیخ رشیدکا لیگی امیدوار حنیف عباسی اور پی ٹی آئی کے شہریارریاض سے ہوگا۔

آئی پی پی کے فرخ حبیب نے تمام حلقوں سے کاغذات واپس لے لیے ہیں، پی ٹی آئی کےشفقت محمود بھی الیکشن سے دستبردار ہوگئے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں