اسلام آباد : پاکستان تحریک انصاف کے رہنما محمد علی خان نے الیکشن ایکٹ ترمیمی بل کی منظوری کیخلاف سپریم کورٹ جانے کا اعلان کردیا۔
تفصیلات کے مطابق پاکستان تحریک انصاف کے رہنما محمد علی خان نے قومی اسمبلی میں الیکشن ایکٹ ترمیمی بل پر بھرپور احتجاج کرتے ہوئے کہا کہ ترمیمی بل غیرآئینی ہے ، بل کو کمیٹی میں بحث کیلئے بھجوایاجائے۔یاسی مقاصد کیلئے اس بل کو لایاگیا ہے۔
رہنما پی ٹی آئی کا کہنا تھا کہ میں پارلیمنٹ افیئرکمیٹی کاممبرہوں،ان سےبحث ومباحثہ کیا، کیاپاکستان کی پارلیمان کایہ کام ہے، کیایہ اپنے سیاسی مقاصدکیلئےپارلیمنٹ کواستعمال کریں گے ، کیاسپریم کورٹ فیصلے کیخلاف قانون سازی کرکے ہمیں حق سے محروم کر سکتے ہیں۔
انھوں نے کہا کہ مجھےجائیدادمیں حصہ مل رہاہےتوقانون میں ترمیم کرکےالگ نہیں کرسکتے، اسی طرح پی ٹی آئی کاحق ہےکہ اسے مخصوص نشستیں ملیں، آپ جس جماعت میں شامل ہوناچاہتے ہیں ہوسکتے ہیں۔
رہنما پی ٹی آئی کا کہنا تھا کہ سپریم کورٹ کےآرڈرکےبعدہمیں یہ حق مل گیاہے، الیکشن کمیشن کی طرف سے39ممبران اسمبلی کوپی ٹی آئی کاممبرماناگیا، کیا 39ارکان کیلئے پی ٹی آئی حلال اور41 کیلئے حرام ہے؟
علی محمدخان نے مزید کہا کہ اپوزیشن ارکان اس بل کو مسترد کرتے ہیں، حکومت سپریم کورٹ پر پارلیمنٹ کےذریعے حملہ کرارہی ہے، یہ بل ارکان اسمبلی کوپی ٹی آئی میں جانےاور مخصوص نشستوں کیلئے لایاجارہاہے۔
ان کا کہنا تھا کہ آپ قانون سازی کریں مگر ملک کے مفاد میں ہونا چاہئے۔۔پارلیمنٹ کا یہ کام نہیں کہ ایک سیاسی جماعت کیلئے سپریم کورٹ پر حملہ کرائے، اس قانون سازی کے خلاف سپریم کورٹ جائیں گے۔
