The news is by your side.

Advertisement

ووٹرز کو مائل اور قائل کرنے کے لیے سیاست دانوں نے دل چسپ انداز اپنا لیا

فاروق ستار نے کلیجی بھونی، فیصل واوڈا بنے برگر والا، شیخ رشید نے تندور پر روٹیاں لگائیں، عارف علوی نے رکشا چلایا

کراچی: ووٹرز کو مائل اور قائل کرنے کے لیے سیاست دانوں نے دل چسپ انداز اپنالیا ہے، مختلف سیاست دانوں نے دل چسپ کام کرکے ووٹرز کو اپنی جانب مائل کیا۔

تفصیلات کے مطابق سیاست دانوں کی انتخابی مہم کے خاتمے میں صرف دو گھنٹے رہ گئے ہیں، بارہ بجے رات کے بعد ہر قسم کے انتخابی مہم پر الیکشن کمیشن کے حکم کے مطابق پابندی ہوگی۔

انتخابی مہم کے سلسلے میں سیاسی جلسوں اور ریلیوں کی گہما گہمی کے دوران عمران خان اور بلاول بھٹو زرداری نے بھرپور انداز میں اپنی مہمات چلائیں، شہباز شریف نے بھی طوفانی دورے کیے۔

دوسری طرف متحدہ مجلس عمل، عوامی نیشنل پارٹی، متحدہ قومی موومنٹ اور پاک سرزمین پارٹی نے بھی جلسے اور کارنر میٹنگوں کے ذریعے عوام کو اپنی جانب متوجہ کیا۔

کراچی میں ایم کیو ایم کی انتخابی مہم پہلے جیسی جان دار نظر نہ آئی، تاہم ملک کی بڑی جماعتوں نے بھرپور انتخابی مہم چلائی، کچھ امیدواروں نے دل چسپ مہمیں چلائیں۔

25 جولائی کو کون سے کام ’جرائم‘ میں شمار ہوں گے؟


ڈاکٹر فاروق ستار نے کراچی میں کلیجی بھونی اور پراٹھے تلے، فیصل واوڈا بن کباب والے بنے اور انھوں نے برگر بنایا، شیخ رشید نے تندور پر کھڑے ہو کر روٹیاں لگائیں اور حلقے میں موٹرسائیکل پر گھومتے پھرے۔

عارف علوی نے بھی دل چسپ مہم کا راستہ اختیار کرتے ہوئے رکشا چلایا، خورشید شاہ بھی موٹر سائیکل پر بیٹھ مہم چلاتے رہے، کراچی سے آزاد حثیت میں کھڑے امیدوار ایاز میمن موتی والا نے حد ہی کردی، گندے پانی میں لیٹ گئے اور منہ بھی دھویا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں