The news is by your side.

Advertisement

پی ٹی آئی کی رجسٹریشن منسوخی کے لیے الیکشن کمیشن میں درخواست دائر

اسلام آباد: پاکستان تحریک انصاف کی پارٹی رجسٹریشن منسوخی کے لیے الیکشن کمیشن آف پاکستان میں درخواست دائر کر دی گئی.

تفصیلات کے مطابق الیکشن کمیشن آف پاکستان میں تحریک انصاف کی پارٹی رجسٹریشن کی منسوخی کےلیے جسٹس پارٹی کے منصف اعوان کی جانب سے درخواست جمع کروائی گئی ہے.

الیکشن کمیشن میں دائر کی گئی درخواست میں عمران خان کے اس بیان کو بنیاد بنایا گیا ہے کہ اگر پاکستان میں ماشل لا لگا تو عوام مٹھائیاں بانٹیں گے.

درخواست گزار نے مؤقف اپنایا ہے کہ عمران خان کا بیان آئین اور الیکن کمیشن کے رجسٹریشن قوانین کی سنگین خلاف ورزی ہے.

*ملک کو خطرہ فوج سے نہیں نوازشریف کی بادشاہت سے ہے، عمران خان

الیکشن کمیشن میں دائر درخواست میں کہا گیا ہےکہ تحریک انصاف کی پارٹی رجسٹریشن اور انتخابی نشان منسوخ کرنے اور آئینی حلف کی خلاف ورزی پر عمران خان کے خلاف بھی کارروائی کی جائے.

یاد رہے کہ تحریک انصاف کے چیئرمین عمران خان نے آزاد کشمیر میں ایک انتخابی ریلی سے خطاب کرتے ہوئے کہا تھا کہ اگر پاکستان میں ماشل لا لگا تو عوام مٹھائیاں بانٹیں گے.

 

 

Print Friendly, PDF & Email

Comments

comments

یہ بھی پڑھیں