اسلام آباد: الیکشن کمیشن نے آر ٹی ایس کی ناکامی کی تحقیقات ایف آئی اےکو سونپ دیں.
تفصیلات کے مطابق عام انتخابات کےدوران آرٹی ایس ناکامی آج بھی موضوع بحث بنی ہوئی ہے. سسٹم کیوں ناکام ہوا؟ پچیس جولائی کی رات بارہ بجے آرٹی ایس بند کرنے کا حکم کس نےدیا؟ ان سوالات کے جواب تاحال نہیں مل سکے.
اب الیکشن کمیشن نے ایف آئی اے کو آر ٹی ایس کی ناکامی کا ذمہ سونپ دیا ہے. ساتھ ہی آڈیوکلپس اور دیگر دستاویزات بھی روانہ کردی ہیں.
الیکشن کمیشن نے ڈی جی ایف آئی اے کو خط لکھا ہے، جس میں آرٹیکل دوسوبیس کےتحت تحقیقات کرکے رپورٹ دینے کی ہدایت کی ہے.
یاد رہے کہ پچیس جولائی کو نتائج میں تاخیر کے باعث الیکشن کمیشن کو شدید تنقید کا نشانہ بنا گیا تھا.
مزید پڑھیں: عام انتحابات 2018: پریزائیڈنگ افسران اسمارٹ فونز اور پیکجز نہ ہونے کے سبب آر ٹی ایس استعمال نہ کرسکے
متعلقہ اداروں کی جانب سے نتائج میں تاخیر کا سبب آر ٹی ایس سسٹم کی ناکامی کو قرار دیا گیا.
اس ضمن میں الیکشن کمیشن کی جانب سے تحقیقات کی گئیں، اب الیکشن کمیشن کی جانب سے ایف آئی اے کو یہ ذمے داری سونپی گئی ہے.
