پیر, فروری 17, 2025
اشتہار

الیکشن کمیشن آج انتخابی عمل پر مسلم لیگ ن سے مشاورت کرے گا

اشتہار

حیرت انگیز

اسلام آباد : مسلم لیگ ن کا 7 رکنی وفد آج چیف الیکشن کمشنر وممبران سے ملاقات کرے گا، جس میں انتخابات کے شیڈول اور تاریخ سے متعلق مشاورت کی جائے گی۔

تفصیلات کے مطابق الیکشن کمیشن آج انتخابی عمل پر مسلم لیگ ن سے مشاورت کرے گا ، ن لیگ کا 7 رکنی پارٹی وفد آج صبح 11 بجےچیف الیکشن کمشنر وممبران سے ملاقات کرے گا۔

وفد میں احسن اقبال، سینیٹر اعظم نذیر تارڑ، زاہدحامد،راناثنااللہ ، خواجہ سعدرفیق، انجینئر امیر مقام اور عطااللہ تارڑ شامل ہیں۔

ملاقات میں ن لیگی وفد سے انتخابات کے شیڈول اور تاریخ سے متعلق مشاورت کی جائے گی اور الیکشن کمیشن آئندہ الیکشن کے روڈ میپ پر بھی مشاورت کرے گا۔

الیکشن کمیشن 29 اگست کو پاکستان پیپلز پارٹی سے بھی مشاورت کادعوت نامہ ارسال کرچکا ہے جبکہ گزشتہ روز پی ٹی آئی اور جے یو آئی کے وفد نے الیکشن کمیشن سے مشاورت کی تھی۔

گذشتہ روز ملک میں آئندہ عام انتخابات کے معاملے پر الیکشن کمیشن نے پی ٹی آئی اور جے یو آئی کے وفد سے ملاقاتیں کی تھی۔

بیرسٹر علی ظفر نے بتایا تھا کہ ہم نے ملاقات میں 90 روز کے اندر الیکشن کے انعقاد کو یقینی بنانے کا مطالبہ سامنے رکھ دیا، مولانا عبدالغفور حیدری بولے ہم آئین کے دائرے میں شفاف انتخابات چاہتے ہیں۔

مولانا عبدالغفورحیدری کا کہنا تھا کہ ہماری چیف الیکشن کمشنر سے ایک گھنٹہ سے زائد ہماری مشاورت جاری رہی جس میں ہم نےالیکشن کمیشن کو اپنا مؤقف دہرایا کہ ہم آئین کے دائرے میں شفاف انتخابات چاہتے ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں