site
stats
پاکستان

تحریک انصاف کا الیکشن کمیشن پرمتعصبانہ رویے کا الزام

اسلام آباد : چیف الیکشن کمیشن نے کہا ہے کہ کمیشن آئین اور قانون کے مطابق کام کرتا ہے اور کسی شخص یا جماعت کے ساتھ متعصبانہ رویہ نہیں رکھتا۔

یہ ریمارکس چیف الیکشن کمیشن نے تحریک انصاف کے پارٹی فنڈ کیس کی سماعت کے دوران دیئے، انہوں نے برہمی کا اظہار کرتے ہوئے کہا کہ کمیشن آزاد ہے نہ اس پر کسی دباؤ ہے اور نہ ہی کمیشن کسی کے خلاف تعصب برتتا ہے۔

چیف الیکشن کمشنر سردار رضا نے پی ٹی آئی وکیل کومخاطب کرتے ہوئے کہا کہ ڈھائی سال سے کیس زیرِالتوا ہے لگتا ہے آپ ہمارے ساتھ کھیل کھیل رہےہیں۔

چیف کمشنر الیکشن کمیشن نے تحریک انصاف کی جانب سے تعصب برتنے پر کے الزام پر برہمی کا اظہار کرتے ہوئے کہا کہ ہمارا سیاست سے کوئی تعلق نہیں ہے ، نہ ہی ہم کسی کے ساتھ تعصب برت رہے ہیں۔

اس موقع پر رکن الیکشن کمیشن ارشاد قیصر نے ریمارکس دیتے ہوئے کہا کہ جس کی مرضی ہوتی ہے یہاں بولنا شروع کردیتا ہے،  تعصب پھیلانےمیں آپ خودہی کافی ہیں۔


*مزید پڑھیں: الیکشن کمیشن کاعمران خان کو نوٹس‘ جواب طلب


قبل ازیں الیکشن کمیشن میں ہونے والی سماعت میں درخواست گزارہاشم علی بھٹہ کے وکیل کا کہنا تھا کہ عمران خان کی سیاسی جماعت نے بیرون ملک سے 2001 سے 2013 تک 29 لاکھ 92 ہزارڈالرز فنڈز لیے۔

بعد ازاں تحریک انصاف کے وکلاء کی جانب سے چیئرمین عمران خان کا موقف دوبارہ لینے کی یقین دہانی پر الیکشن کمیشن نے کیس کی سماعت چوبیس جنوری تک ملتوی کردی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top