site
stats
پاکستان

الیکشن کمیشن کاعلیم خان کے خلاف بیان حلفی کیس میں فیصلہ موخر

اسلام آباد: الیکشن کمیشن نے تحریک انصاف کے رہنما علیم خان کے خلاف بیان حلفی کیس کافیصلہ ایک بار پھر موخرکردیا، فیصلے کا اعلان چوتھی بار موخر ہوا.

تفصیلات کے مطابق علیم خان کے خلاف بیان حلفی کیس کا فیصلہ موخر،الیکشن کمیشن نے یہ معاملہ ہائی کورٹ میں زیر سماعت ہونے کی وجہ سے بیس جون تک موخر کردیا،فیصلے کا اعلان چوتھی بار موخر ہوا ہے.

الیکشن کمیشن کے باہر میڈیا سے گفتگو کرتے ہوئے ن لیگ کی رکن قومی اسمبلی مریم اورنگزیب کا کہناتھا کہ پاکستان تحریک انصاف حکم امتناعی کے پیچھے چھپ رہی ہے.

ان کا مزید کہنا تھا کہ پی ٹی آئی خود کہتی ہے کہ جب کچھ غلط کیا ہے تو ادارے کاروائی کریں اور جب ادارے کاروائی کرتے ہیں تو پاکستان تحریک انصاف رکاوٹ بن جاتی ہے.

مریم اورنگزیب کا کہنا تھا کہ الیکشن کمیشن پاکستان تحریک انصاف کے فنڈز میں بےضابطیوں کے خلاف کیس بھی سماعت کرے.

واضح رہے کہ الیکشن کمیشن نے اسپیکر قومی اسمبلی ایاز صادق کی درخواست پر علیم خان کی جانب سے جھوٹے حلف ناموں پر فیصلہ محفوظ کر رکھا تھا جوآج چوتھی بار موخر کیا گیا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top