The news is by your side.

الیکشن کمیشن نے آئندہ عام انتخابات کی تیاریاں تیز کردیں

اسلام آباد: الیکشن کمیشن نے آئندہ عام انتخابات کی تیاریاں تیز کردیں ہیں، عام انتخابات کیلئے ریٹرننگ افسران نے انتظامیہ سے کام لینا شروع کر دیا۔

تفصیلات کے مطابق الیکشن کمیشن نے آئندہ عام انتخابات کی تیاریاں تیز کردیں، جس کیلئے الیکشن کمیشن نےصوبائی حکومتوں سے افسران کی فہرستیں طلب کر لیں۔

الیکشن کمیشن نے چاروں چیف سیکرٹریز سےگریڈ 17 سے اوپر کے افسران کی فہرستیں طلب کی ہیں، الیکشن کمیشن نےچاروں صوبوں کے چیف سیکرٹریز کو مراسلے ارسال کر دئیے ہیں۔

الیکشن کمیشن کا کہنا ہے کہ نئے انتخابات کے انعقاد کے لئے قابل افسران کی لسٹیں فراہم کی جائیں، اچھی شہرت والےگریڈ 17 سے اوپر والے افسران کو لسٹ میں شامل کرکے نام فراہم کی جائیں۔

الیکشن کمیشن نے کہا کہ ان افسران کی فہرستیں متعلقہ صوبائی الیکشن کمشنرز کو فراہم کی جائیں، ساتھ ہی ڈسٹرکٹ ریٹرننگ افسران، ریٹرننگ افسران، اسسٹنٹ ریٹرننگ افسران مقرر کیے جائیں۔

عدلیہ سےریٹرننگ افسران لینےکے فیصلےکی صورت میں الیکشن کمیشن چیف جسٹس کوخط لکھے گا۔

Comments

یہ بھی پڑھیں