site
stats
پاکستان

عمران خان کے وارنٹ گرفتاری توہینِ عدالت کے تحت جاری کیے، الیکشن کمیشن

Election Commission

اسلام آباد: الیکشن کمیشن کے ترجمان نے کہا ہے کہ عمران خان کے ناقابلِ ضمانت ورانٹ گرفتاری توہین عدالت کی کارروائی کے تحت جاری کیے گئے کیونکہ الیکشن کمیشن کے ہائی کورٹ کے برابر کا اختیار ہے۔

الیکشن کمیشن کے ترجمان کی جانب سے جاری اعلامیے میں کہا گیا ہے کہ نااہلی کیس کی سماعت کے دوران ثابت  کیا  الیکشن کمیشن کے پاس ہائی کورٹ کے برابر کا اختیار ہے جس کے تحت توہینِ عدالت کی کارروائی کی جاسکتی ہے۔

ترجمان کا کہنا ہے کہ تحریک انصاف کے وکلاء نے وارنٹ پر اپنا مؤقف پیش کیا تاہم اگر یہ اختیار الیکشن کمیشن کے پاس نہ ہوتا تو توہینِ عدالت کی کارروائی عمل میں نہیں لائی جاتی۔

پڑھیں: توہین عدالت کیس، عمران خان کےناقابل ضمانت وارنٹ گرفتاری جاری

انہوں نے کہا کہ الیکشن ایکٹ کی شق 10 کےتحت الیکشن کمیشن کواختیار حاصل ہے کہ وہ کیس کی سماعت پر مسلسل غیر حاضر رہنے والے شخص کو نوٹس جاری کرے اور عمل نہ کرنے پر وارنٹ بھی جاری کرے۔

یاد رہے کہ گزشتہ روز الیکشن کمیشن میں عمران خان کی نااہلی سے متعلق دائر کیس کی سماعت ہوئی جس میں 5 رکنی بینچ نے فیصلہ سناتے ہوئے تحریک انصاف کے چیئرمین کو 26 اکتوبر کو گرفتار کرکے پیش کرنے کا حکم دیا۔

عمران خان کے وکیل بابر اعوان نے الیکشن کمیشن کے ناقابلِ ضمانت وارنٹ گرفتاری کو غیر قانونی قرار دیتے ہوئے اس حکم نامے کو چلینج کرنے کا اعلان کیا اور مؤقف اختیار کیا کہ وارنٹ جاری کا اختیار الیکشن کمیشن کے پاس نہیں ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top