The news is by your side.

’الیکشن کمیشن کا ممنوعہ فنڈنگ کا فیصلہ ادھورا ہے‘

پیپلزپارٹی کے رہنما سعید غنی نے کہا ہے کہ الیکشن کمیشن کا ممنوعہ فنڈنگ کا فیصلہ ادھورا ہے 2013 سے 2022 تک ہونے والی فنڈنگ کی بھی تحقیقات ہونی چاہیے۔

اسلام آباد میں پریس کانفرنس کرتے ہوئے سعید غنی نے کہا کہ پی ٹی آئی نے پاکستانی اوربیرون ممالک کمپنیوں سے پیسے لئے الیکشن کمیشن میں عمران خان نے جھوٹا بیان حلفی دیا چیئرمین نیب کو ویڈیو سے بلیک میل کرکےمن مانے نتائج لیے گئے۔

سعیدغنی نے کہا کہ عمران خان کو بتانا ہو گا اسرائیل اور بھارتی لوگ فنڈ کیوں دیتے رہے؟ فنڈنگ کیس میں تحقیقات ہونی چاہیے کس کس نے پیسہ دیا جو جعلی ڈگری پر نااہل ہوئے انہوں نےکوئی کرپشن تونہیں کی تھی عمران خان نے بیرون ممالک سے پیسے لے کر آئین کی خلاف ورزی کی۔

ان کا کہنا تھا کہ بھارتی ٹی وی پر وہاں کے لوگ کہتے ہیں عمران ہمارا کام اچھےسےکر رہا ہے لاڈلے کو ہر سطح پر تحفظ دیاجاتا ہے۔

پی پی رہنما نے مزید کہا کہ پی ٹی آئی کےمقدمات میں ملوث لوگوں کوسندھ کی جیلوں میں بھیجا جائے عمران خان پاکستان کےلیےسب سےبڑاسیکیورتی رسک بن چکا ہے۔

Comments

یہ بھی پڑھیں