ن لیگ کےحمایت یافتہ سینیٹراسد اشرف کی کامیابی الیکشن کمیشن میں چیلنج -
The news is by your side.

Advertisement

ن لیگ کےحمایت یافتہ سینیٹراسد اشرف کی کامیابی الیکشن کمیشن میں چیلنج

اسلام آباد : پاکستان تحریک انصاف نے مسلم لیگ ن کے حمایت یافتہ سینیٹر اسد اشرف کی کامیابی کو الیکشن کمیشن آف پاکستان میں چیلنج کردیا۔

تفصیلات کے مطابق پاکستان تحریک انصاف کی ڈاکٹرزرقا نے ن لیگ کے حمایت یافتہ سینیٹر اسد اشرف کی کامیابی کو الیکشن کمیشن آف پاکستان میں چیلنج کردیا۔

ڈاکٹرزرقا نے درخواست میں موقف اختیارکیا ہے کہ ڈاکٹر اسد اشرف کو نواز شریف نے ٹکٹ جاری کیا جبکہ َالیکشن کمیشن نے بطور آزاد امیدوار انتخاب میں حصہ لینے کی اجازت دی۔

درخواست میں کہا گیا ہے کہ قانون الیکشن کمیشن کوازخود انتخابی نشان کی الاٹمنٹ کی اجازت نہیں دیتا، درخواست گزار نے الیکشن کمیشن سے ڈاکٹر اسد اشرف کی کامیابی کا نوٹی فکیشن روکنے کی استدعا کی ہے۔

پاکستان تحریک انصاف کی رہنما ڈاکٹر زرقا تیمور کا کہنا ہے کہ لاہور ہائی کورٹ میں بھی معاملہ زیرسماعت ہے۔


سینیٹ میں ن لیگ کا حمایت یافتہ امیدوار کامیاب


خیال رہے کہ یکم مارچ کو مسلم لیگ ن کے سینیٹر نہال ہاشمی کی نااہلی کی صورت میں خالی ہونے والی نشست پر غیر سرکاری غیر حتمی نتیجے کے مطابق پنجاب اسمبلی سے ن لیگ کے حمایت یافتہ امیدوار اسد اشرف سینیٹ کے لیے منتخب ہوئے تھے

مسلم لیگ ن کے حمایت یافتہ امیدوارڈاکٹر اسد اشرف نے 298 ووٹ حاصل کیے تھے ، پی ٹی آئی کی ڈاکٹر زرقا 38 ووٹ حاصل کرسکیں تھیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں