کراچی : نامزد نگراں وزیر اعلیٰ سندھ جسٹس (ر)مقبول باقر نے واضح کیا کہ الیکشن آئین وقانون کے مطابق ہوں تاہم انتخابات کرانا، وقت کا تعین کرنا الیکشن کمیشن کا کام ہے۔
تفصیلات کے مطابق نامزد نگراں وزیر اعلیٰ سندھ جسٹس (ر)مقبول باقر نے اے آر وائی نیوز سے گفتگو کرتے ہوئے کہا کہ مجھے نہیں لگتا مجھ پر کوئی دباؤ آئے گا، کوئی غیر قانونی کام نہیں کروں گا۔
مقبول باقر کا کہنا تھا کہ واضح کرنا ہوں چاہتا ہوں الیکشن آئین وقانون کے مطابق ہوں، حلقہ بندیاں کرنا الیکشن کمیشن کا کام ہے ہم بھرپور معاونت فراہم کریں گے۔
انھوں نے بتایا کہ نگراں کابینہ چارج سنبھالنے کے بعد تشکیل ہوگی ، صاف وشفاف الیکشن کرنا ہماری ذمہ داری ہے اور سندھ میں ترقیاتی کام معمول کےمطابق جاری رہیں گے۔
نامزد نگراں وزیر اعلیٰ سندھ نے مزید کہا کہ آئین وقانون کےمطابق وقت پر الیکشن ہوں گے، انتخابات کرانا، وقت کا تعین کرنا الیکشن کمیشن کا کام ہے۔
ان کا کہنا تھا کہ ہرشخص اور پاکستانی کی خواہش ہے جمہوریت کو تقویت ملے، میں نہیں سمجھتا کوئی دباؤ آئے گا اور نا آسکتا ہے۔
