The news is by your side.

Advertisement

ڈونلڈ ٹرمپ باضابطہ طورپرامریکی صدر منتخب ہوگئے

واشنگٹن : ڈونلڈٹرمپ باضابطہ طور پر امریکی صدرمنتخب ہوگئے، انھوں نے دو سو ستر الیکٹورل ووٹ حاصل کیے۔

غیر ملکی خبر ایجنسی کے مطابق امریکی الیکٹورل کالج نے ڈونلڈ ٹرمپ کے صدر بننے کی توثیق کردی اور ریپبلکن پارٹی کے صدارتی امیدوار ڈونلڈ ٹرمپ امریکا کے باضابطہ صدر منتخب ہوگئے۔

ریپبلکن پارٹی کے صدارتی امیدوار ڈونلڈ ٹرمپ نے الیکٹورل کالج کے 304 ووٹ حاصل کیے جبکہ ڈیموکریٹک پارٹی کی صدارتی امیدوار ہلیری کلنٹن کو 224 ووٹ ملے۔

پچاس ریاستوں کے پانچ سو اڑتیس اور ڈسٹرکٹ کولمبیا کےاراکین نے الیکٹورل کالج کے انتخاب میں حصہ لیا اور ڈونلڈ ٹرمپ کے نئے صدر بننے پر مہر ثبت کی۔

امریکی صدارتی انتخاب کے 6 ہفتے بعد کل امریکا کے الیکٹورل کالج میں اگلے امریکی صدر اور نائب صدر کے لیے ووٹ ڈالے گئے ہیں، امریکی صدارتی انتخابات کے بعد ہر ریاست سے چنے گئے 538نامزد اراکین نے اگلے امریکی صدر اور نائب امریکی صدر کے انتخاب کے لیے ووٹ ڈالے۔

امریکی الیکٹورل کالج کے نتائج کا اعلان چھ جنوری کو کانگریس کے خصوصی مشترکہ سیشن میں کیا جائے گا۔

خیال رہے کہ امریکی سی آئی اے کی جانب سے گزشتہ ہفتے روسی ہیکرز کی امریکی انتخابات میں مداخلت کی رپورٹ سامنے آنے کے بعد الیکٹورل کالج کے انتخابات میں ٹرمپ کی کامیابی کے حوالے سے شکوک پیدا ہوگئے تھے۔

Print Friendly, PDF & Email

Comments

comments

یہ بھی پڑھیں