The news is by your side.

Advertisement

بھاری بجلی بلوں سے پریشان عوام کے لئے بڑی خوشخبری

اسلام آباد : وفاقی وزیر شبلی فراز نےبجلی بلزمیں60فیصدتک کمی کی نویدسناتے ہوئے بتایا کہ کم خرچ والے بجلی کے پھینکے، واٹرموٹرز و دیگرآلات تیار کرلئے گئے۔

تفصیلات کے مطابق بھاری بجلی بلوں سے پریشان عوام کے لئے خوشخبری آگئی ، وفاقی وزیر شبلی فراز نےبجلی بلزمیں60فیصدتک کمی کی نویدسنادی ، وزارت سائنس میں کم خرچ والے بجلی کےپھینکے، واٹرموٹرز و دیگرآلات تیار کرلئے گئے۔

اس موقع پر وفاقی وزیر سائنس اینڈ ٹیکنالوجی سینیٹرشبلی فراز نے میڈیا سےگفتگو کرتے ہوئے کہا کہ بجلی سے چلنے والے پنکھے،واٹرموٹرمیں نئی ٹیکنالوجی استعمال کی ہے، نئی ٹیکنالوجی سے بنے آلات میں بجلی کااستعمال40سے 60 فیصدکم ہوگا۔

شبلی فراز کا کہنا تھا کہ نئی ٹیکنالوجی سے بننے والی واٹر موٹر بہتر کارکردگی اور بجلی کم استعمال کریگی، نئے آلات سے بجلی کے بلوں میں واضح کمی ہوگی اور اس بچت شدہ بجلی کو انڈسٹری، و دیگر شعبوں میں استعمال کیا جاسکتا ہے۔

وفاقی وزیر نے مزید کہا کہ وزیراعظم نے ہدایت کی ہے کہ ٹیکنالوجی سے عوام کو مستفید کرنا ہے۔

Comments

یہ بھی پڑھیں