کراچی میں بجلی کا ایک اور بڑا بریک ڈاؤن، بجلی کی فراہمی معطل
The news is by your side.

Advertisement

کراچی میں بجلی کا ایک اور بڑا بریک ڈاؤن، بجلی کی فراہمی معطل

کراچی : شہر قائد میں بجلی کا ایک اور بڑا بریک ڈاؤن ہوا اور شہر کے متعدد علاقوں میں بجلی کی فراہمی معطل ہوگئی ، جس سے شہریوں کوپریشانی کا سامنا ہے۔

تفصیلات کے مطابق شہر قائد میں کے الیکٹرک کی ہائی ٹینشن لائن اور پپری سرکٹ ٹرپ کرگیا، جس کے باعث شہر کے بیشترعلاقے بجلی سے محروم ہوگئے۔

ہائی ٹینشن لائن ٹرپ کر جانے سے کلفٹن، گزری، گارڈن، جیکب لائن، نارتھ کراچی، ناظم آباد اور سرجانی کے گرڈاسٹیشن نے بھی کام کرنا چھوڑ دیا، جس سے نارتھ کراچی، سرجانی ٹاؤن، ،نارتھ ناظم آباد، بفرزون ،بورڈ آفس میں بجلی بند ہوگئی۔

اس کے علاوہ نیوکراچی انڈسٹریل ایریا، یوپی سوسائٹی،نصرت بھٹو کالونی، پہاڑ گنج، یوسف گوٹھ، پاور ہاؤس چورنگی سمیت دیگر علاقے بھی بجلی سے محروم ہوگئے۔

ترجمان کے الیکٹرک نے اس حوالے سے کہا ہےکہ نیشنل گرڈ کی لائن ٹرپ ہونے سے سپلائی منقطع ہوئی، اچانک سپلائی آف ہونے سے مقامی سرکٹس میں بھی ٹرپنگ آئی، جزوی بحالی کا عمل شروع کیا جا رہا ہے ۔

ترجمان کے مطابق شہر کے مختلف مقامات پر بجلی بحال کردی گئی ہے جبکہ دیگر علاقوں میں بحالی کا عمل تیزی سے جاری ہے اور نیشنل گرڈ سے بھی سپلائی کی فراہمی موصول ہونا شروع ہوگئی ہے۔

یاد رہے رواں ماہ کراچی میں کئی بار بریک ڈان کے باعث شہریوں کو بجلی بندش کا سامنا کرنا پڑا۔

Comments

comments

یہ بھی پڑھیں