The news is by your side.

Advertisement

کراچی میں بجلی کا تیسرا بڑا بریک ڈاؤن

کراچی: صوبہ سندھ کا دارالحکومت کراچی میں تیسری بار بجلی کا بڑا بریک ڈاؤن ہوگیا جس کے بعد 90 فیصد شہر تاریکی میں ڈوب گیا۔ شہریوں نے رات جاگ کر گزاری۔

تفصیلات کے مطابق کراچی میں گزشتہ رات گئے 12 گرڈ اسٹیشنوں سے بجلی کی فراہمی معطل ہوگئی جس کے بعد 5 ضلعے اندھیرے میں ڈوب گئے۔

کراچی میں کے الیکٹرک کا یہ تیسرا بڑا بریک ڈاؤن ہے۔ ضلع ملیر کے مختلف علاقوں میں شام 7 بجے سے بجلی کی فراہمی معطل ہے۔

ضلع شرقی کے علاقوں کاسمو پولیٹن سوسائٹی، طارق روڈ پی آئی بی، بہادر آباد، گلشن اقبال، ضلع وسطی کے علاقوں نارتھ ناظم آباد، حسرت موہانی سوسائٹی، پہاڑ گنج، بفرزون لیاقت آباد اور نارتھ کراچی میں بجلی کی فراہمی معطل ہے۔

ضلع کورنگی کے علاقے محمود آباد، لانڈھی، کورنگی، شاہ فیصل کالونی، ضلع جنوبی کے علاقوں لیاری، ٹاور، صدر اور اطراف کے علاقوں سمیت گارڈن، ڈیفنس فیز 8، قیوم آباد کی بجلی غائب ہے۔

کئی علاقوں میں بجلی تاحال معطل ہے۔

دوسری جانب کے الیکٹرک کا دعویٰ ہے کہ متاثرہ علاقوں میں بجلی کی بحالی کا کام تیزی سے جاری ہے۔

یاد رہے کہ گزشتہ ہفتے بھی کراچی میں ہائی ٹینشن لائن میں ٹرپنگ سے 12 گرڈ اسٹیشن بند ہوگئے جس سے شہر کا بڑا حصہ تاریکی میں ڈوب گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں