پولیس اسٹیشن پہنچنے والے یا تو شکایت درج کروانے آتے ہیں یا پولیس اہلکار انہیں پکڑ کر لاتے ہیں لیکن بھارت میں ایک بھاری بھرکم ہاتھی اپنے بچے کے ساتھ تھانے پہنچ گیا۔
پڑوسی ملک بھارت کی ریاست کیرالہ میں ایک ہاتھی اور اس کے بچے کے تھانے پہنچنے کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ ایک ہاتھی اور اس کا بچہ پولیس اسٹیشن کے دروازے سے اندر داخل ہونے کی کوشش کر رہے ہیں اور اس کوشش کے دوران جنگلی جانور نے باہری دروازے کو نقصان پہنچایا لیکن آہنی دروازہ اور جالیوں کا نہ توڑ پایا۔
اس موقع پر پولیس اہلکاروں نے مسلسل کوشش کے بعد ہاتھی کو بچے سمیت پولیس اسٹیشن سے باہر نکالا اور واقعے کی ویڈیو ٹوئٹر پر شیئر کردی۔
പറമ്പിക്കുളം പോലീസ് സ്റ്റേഷനിൽ എത്തിയ അമ്മയും കുഞ്ഞും ചെയ്തതെന്തന്നറിയാൻ വീഡിയോ കാണുക.#keralapolice pic.twitter.com/ZYZVkYH1G9
— Kerala Police (@TheKeralaPolice) January 2, 2022
