مغربی بنگال کے ایک فوجی اسپتال میں ہاتھی کی موجودگی نے سب کو حیران اور پریشان کردیا، ہاتھی کافی دیر تک اسپتال کی راہداری میں گھومتا رہا۔
آپ نے اکثر جانوروں کو انسانوں سے مانوس دیکھا ہوگا کہ وہ بغیر کسی ڈر خوف کے عوامی مقامات پر چہل قدمی کررہے ہیں اور دیکھنے والے اس منظر سے محظوظ ہوتے ہیں۔
ایک ایسا ہی واقعہ مغربی بنگال کے ایک فوجی اسپتال میں پیش آیا کہ جہاں ایک دیو قامت ہاتھی اکیلا اسپتال کے احاطے میں داخل ہوا اور ٹہلتے ہوئے اندر راہداری تک آگیا۔
اس منظر کو دیکھ کر اسپتال میں موجود عملہ اور دیگر افراد پہلے تو گھبرا گئے لیکن ہاتھی کو پرسکون دیکھتے ہوئے ان کی جان میں جان آئی اور وہ اس کی تصاویر اور ویڈیوز بنانے لگے۔
Elephants in the room…
From Jalpaiguri Cantonment. pic.twitter.com/ipbFR8bthG— Susanta Nanda IFS (@susantananda3) September 4, 2022
انڈین فاریسٹ سروس آفیسر نے ہاتھی کے ایڈونچر کو ظاہر کرنے والی چند تصاویر شیئر کی ہیں، ایک تصویر میں ہاتھی اسپتال کی عمارت کے اندر ہال کا رخ کرتا ہوا نظر آ رہا ہے اور دوسری تصویر میں ہاتھی دروازے کی طرف جاتا ہوا نظر آرہا ہے۔
بعد ازاں معلوم ہوا کہ اس ہاتھی نے اپنی جسامت کی وجہ سے کچھ کمروں کی دیواروں کے ساتھ کچھ فرنیچر کو بھی جزوی نقصان پہنچایا۔
#WATCH : When Gajraj entered inside Binnaguri #IndianArmy hospital in #Bengal and then got confused as which human doctor chamber to knock, who to visit. 🙂 pic.twitter.com/MjYKEDh5pB
— Tamal Saha (@Tamal0401) September 5, 2022
سوشل میڈیا پر اس ویڈیو پر صارفین نے اپنے خیالات کا اظہار کرتے ہوئے ہاتھی کے اس عمل کو ’سرپرائز انسپکشن‘سے تعبیر کیا۔
اس ویڈیو کو صارفین نے حیران کن بھی کہا اور دلچسپ بھی۔ کچھ نے مذاق میں کہا کہ ہاتھی کوئی مریض ہو سکتا ہے جو اسپتال میں علاج کے لیے آیا ہے۔