آسام: پاکستان اور بھارت دونوں ملکوں میں پانی پوری یا گول گپے کو بہت زیادہ پسند کیا جاتا ہے، اور اکثر شام کے اوقات شوقین افراد کی گول گپوں کی دکان یا ریڑھی کے آگے بھیڑ لگی ہوتی ہے۔
لیکن کیا آپ نے کسی جانور کو بھی پانی پوری شوق سے کھاتے دیکھا ہے؟
گول گپے اگرچہ ہر عمر کے افراد کو پسند ہیں لیکن اس ویڈیو میں ایک ہاتھی کو گول گپے کھاتے دیکھا گیا ہے۔
یہ ویڈیو بھارتی ریاست آسام کے شہر تیزپور کی ہے جہاں ہاتھی سڑک کنارے اسٹال سے گول گپے کھا رہا ہے۔
https://twitter.com/ipskabra/status/1580168257092616193?s=20&t=zwy6dJEyYL2dv0Gh0T_NNw
ویڈیو میں دیکھا جاسکتا ہے کہ کس طرح ہاتھی ایک کے بعد ایک گول گپے مزے سے کھا رہا ہے۔
یہ ویڈیو دنیا بھر میں مقبول ہورہی ہے، اس ویڈیو کو اب تک لاکھوں لوگوں نے سراہا ہے، جب کہ کچھ لوگ ہاتھی کو اس طرح گول گپے کھاتا دیکھ کر حیران رہ گئے۔