site
stats
پاکستان

لاہور: بسکٹ پاؤڈر کی فیکٹری پر چھاپہ، 11 لاکھ گندے انڈے برآمد

لاہور: فوڈ اتھارٹی نے ایک فیکٹری پر چھاپہ مار کر ڈیڑھ کروڑ روپے مالیت کے 11 لاکھ گندے انڈے برآمد کرلیے جن سے پاؤڈر بنا کر معروف بسکٹ کمپنیوں کو سپلائی کیا جانا تھا۔

فیکٹری میں موجود گندے انڈے

تفصیلات کے مطابق پنجاب میں گندے انڈوں کی بھرمار ہوگئی، فوڈ اتھارٹی نے مانگا منڈی لاہور کے قریب انڈوں سے پاؤڈر بنانے والی فیکٹری پر چھاپہ مارا جہاں سے ڈیڑھ کروڑ روپے مالیت کے 11 لاکھ گندے انڈے برآمد ہوئے۔

بالٹی میں انڈے توڑنے کے بعد گندے انڈے بالکل واضح نظر آرہے ہیں

انڈوں کو پانی میں ڈالا گیا تو خراب انڈے پانی کے اوپر تیرنے لگے

فیکٹری میں تیار کیا جانے والے پاؤڈر بسکٹ بنانے والے معروف کمپنیوں کے لیے تیار کیا جارہا تھا۔ ٹیم نے موقع پر ہی عملی تجربہ کرکے دکھایا اور انڈوں کو پانی میں ڈالا تو خراب انڈے پانی میں تیرنے لگے، حد تو یہ ہے کہ کئی انڈوں سے چوزے تک نکل چکے تھے۔

فیکٹری میں ایک انڈے سے نکلا ہوا چوزہ زمین پر گرا ہوا ہے

فیکٹری کے پراسیسنگ یونٹ میں جگہ جگہ غلاظت کے ڈھیر تھے، فوڈ اتھارٹی کے حکام نے شہریوں کو ناقص غذا کھلانے کے جرم میں فیکٹری سیل کردی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top