The news is by your side.

Advertisement

‘نسل پرستی، اسلامو فوبیا، ثقافتی، امتیازی سلوک کی دیگر اقسام کو ختم کریں’

نیویارک : پاکستان کے مستقل مندوب منیر اکرم نے کہا ہے کہ نسل پرستی،اسلامو فوبیا، ثقافتی،امتیازی سلوک کی دیگر اقسام کوختم کریں، ابھرتے ہوئے چیلنجز سے نمٹنے کےلیے دنیا کو اجتماعی ردعمل کی ضرورت ہے۔

ان خیالات کا اظہار اقوام متحدہ میں تعینات پاکستان کے مستقل مندوب منیر اکرم نے خطاب کرتے ہوئے کیا، انہوں نے کہا کہ مساوات اور طاقت کے استعمال سے سے گریز پر بہتر عمل اور عدم مداخلت ،حق خودرادیت کے حق کو مزید آگے بڑھانےکی ضرورت ہے۔

انہوں نے کہا کہ جوہری،اسلحےکی دوڑکوروکیں جس سےامن کوہمیشہ خطرہ لاحق ہے، تنازعات کے حل کیلئے کثیر الجہتی، یو این کے زیر قیادت اقدامات کو متحرک کرنا ہے۔

منیر اکرم کا کہنا تھا کہ نسل پرستی، اسلامو فوبیا، ثقافتی ،امتیازی سلوک کی دیگراقسام کو ختم کرنے کی ضرورت ہے اور ضروری ہے کہ انسانی حقوق کے عالمی مشاہدے کو فروغ دیں۔

پاکستان کے مستقل مندوب نے کہا کہ پائیدار ترقیاتی اہداف کو فروغ دینا ضروری ہے۔

ان کا کہنا تھا کہ انفراسٹرکچر میں سرمایہ کاری، منصفانہ تجارت وقت کی اہم ضرورت ہے جبکہ سائنس و ٹیکنالوجی کے استعمال کو بھی فروغ دینا ضروری ہے اور ای سی او ایس او سی کا معاشی سسٹم میں مرکزی کردار بھی اہم ہے۔

Comments

یہ بھی پڑھیں