دنیا کے امیر ترین آدمی بے گھر ہو گئے ہیں، گاڑیاں بنانے والی امریکی کمپنی ٹیسلا کے بانی ایلون مسک سرکاری طور پر اب کسی گھر کے مالک نہیں رہے۔
عالمی میڈیا کے مطابق ایلون مسک نے اپنا آخری گھر بھی بیچ دیا ہے، سیلیکون ویلی میں واقع 16 ہزار اسکوائر فٹ پر واقع گھر 5 ارب روپے سے زائد میں فروخت ہوا، کہا جا رہا ہے کہ یہ اصل قیمت سے کم پر فروخت ہوا ہے۔
رپورٹ کے مطابق ٹیسلا کے سی ای او نے جمعرات کو اپنی شاہانہ سلیکن ویلی اسٹیٹ کو 30 ملین ڈالر میں بیچا، جو اس کی مانگی گئی قیمت سے 7.5 ملین ڈالرز کم ہے، کیوں کہ وہ پچھلے سال اپنا کوئی گھر نہ رکھنے کا وعدہ پورا کرنا چاہتے تھے، اور اس کے لیے انھیں کرائے کا حجم گھٹا کر 50 ہزار ڈالر کرنا پڑا۔
یہ گھر 7 بیڈ رومز، میوزک روم اور ایک گرینڈ بال روم پر مشتمل تھا، ایلون مسک نے گزشتہ سال اعلان کیا تھا کہ وہ اپنی تمام جائیدادیں فروخت کر دیں گے، جب کہ 50 سالہ ایلون مسک پہلے ہی اعلان کر چکے ہیں کہ دیگر جائیدادیں فروخت کرنے کے بعد کیلیفورنیا میں 47 ایکڑ کی جائیداد ان کا ‘آخری گھر’ ہے۔
Much is made lately of unrealized gains being a means of tax avoidance, so I propose selling 10% of my Tesla stock.
Do you support this?
— Elon Musk (@elonmusk) November 6, 2021
ایک ماہ قبل بھی ایلون مسک نے صارفین کی بات مان کر ٹیسلا کمپنی کے 5 بلین ڈالر سے زائد کے شیئرز فروخت کر دیے تھے، انھوں نے ٹوئٹر پر کرائے گئے ایک سروے کے نتیجے میں یہ شیئرز فروخت کیے۔ انھوں نے اپنے فالوورز سے سوال پوچھا تھا کہ کیا ان کو ٹیکس کی ادائیگی کے لیے ٹیسلا کے 10 فیصد شیئرز فروخت کرنے چاہیئں یا نہیں۔
