کیلیفورنیا: ٹیسلا، اسپیس ایکس اور ٹوئٹر کے مالک ایلون مسک ایک کے بعد ایک مشکل میں پھنستے جا رہے ہیں جبکہ ان کی دولت میں بھی تیزی سے کمی واقع ہو رہی ہے۔
غیر ملکی میڈیا کے مطابق ایلون مسک کے مالک بننے کے بعد سے ٹوئٹر کے حوالے سے اچھی خبریں سنائی نہیں دے رہیں۔ حالیہ رپورٹ کے مطابق انہوں نے امریکا میں سین فرانسسکو میں قائم ٹوئٹر ہیڈ کوارٹر کی بلڈنگ کا کرایہ اب تک ادا نہیں کیا۔
اس کے خلاف بلڈنگ کے مالک نے کیلیفورنیا میں اسٹیٹ کورٹ میں مقدمہ درج کروا دیا جس میں مؤقف اختیار کیا گیا ہے کہ ٹوئٹر نے دسمبر کے لیے 3.36 ملین اور جنوری کے لیے 3.42 ملین ڈالر کرایہ تاحال ادا نہیں کیا۔
ایلون مسک نے حال ہی میں ٹوئٹر ہیڈ کوارٹر کی تقریباً 631 قیمتی اشیاء کو نیلامی کے لیے پیش کیا اور اس سے حاصل ہونے والی بھاری رقم کے باوجود وہ کرایہ ادا کرنے میں ناکام رہے۔
Comments
- Advertisement -