ٹیکنالوجی کمپنی ٹیسلا اور سماجی رابطے کی ویب سائٹ ایکس (سابقہ ٹوئٹر) کے مالک ایلون مسک نے پلیٹ فارم سے بلاک کرنے کا آپشن ہمیشہ کیلیے ہٹانے کا اعلان کر دیا۔
کسی بھی سوشل میڈیا پلیٹ فارم پر بلاک کرنے کا آپشن انتہائی اہمیت کا حامل ہوتا ہے جس کے ذریعے صارف کسی کے بھی ہاتھوں ہراساں ہونے سے باآسانی بچ سکتا ہے۔
ایکس پر کئی سالوں سے صارفین اس فیچر کا استعمال کر رہے ہیں تاہم اب ایلون مسک نے ایک اور متنازع اقدام اٹھاتے ہوئے اعلان کیا ہے کہ یہ سہولت بھی ختم کی جا رہی ہے تاہم ڈائریکٹ میسج کے دوران یہ فیچر اپنی اصل حالت میں موجود رہے گا۔
Block is going to be deleted as a “feature”, except for DMs
— Elon Musk (@elonmusk) August 18, 2023
ایلون مسک کے ٹوئٹ پر ردعمل دیتے ہوئے ٹوئٹر کے سابقہ سی ای اہ جیک ڈورسی نے اس فیصلے کا خیر مقدم کیا۔ انہوں نے کہا کہ بلاک کے بجائے صرف ’MUTE‘ کا آپشن ہونا چاہیے۔
جون میں ایلون مسک نے اپنے ایک بیان میں کہا تھا کہ مجھے کسی کو بلاک کرنے والا آپشن بالکل بھی پسند نہیں ہے، پیسے دے کر بلیو ٹِک خریدنے والے صارفین کو بلاک کرنا بالکل بھی ٹھیک نہیں ہے۔
فیچر ہٹانے کے ممکنہ اثرات کیا ہوں گے:
1- صارفین کو پلیٹ فارم پر ایسے افراد سے بھی نمٹنا پڑے گا جنہیں وہ نہیں جانتے یا پھر جواب نہیں دینا چاہتے۔
2- ایکس پر صارفیں کو غیر ضروری طور پر ہراساں کیے جانے کے واقعات میں اضافہ آئے گا۔
3- صارفین کو بہت سارے فضول یا ناپسندیدہ پیغامات موصول ہو سکتے ہیں جو انہیں طرح طرح کی مشکل میں ڈالیں گے۔
4- بلاک فیچر اس لیے دیا جاتا ہے کہ استعمال کنندگان غیر ضروری لوگوں سے رابطے منقطع رکھ سکیں مگر اب ہو سکتا ہے کہ ان کی پرائویسی زیادہ متاثر ہو۔
5- فیچر کے خاتمے پر صارفین ایکس پر عدم تحفظ کا شکار ہوں گے اور نتیجتاً اس سے کنارہ کشی اختیار کر لیں گے۔