کراچی: پاکستانی ماڈل اور اداکارہ ایمان سلیمان ازدواجی بندھن میں بندھ گئیں، انہوں نے اپنی شادی کی خبر خود ہی مداحوں کو دلچسپ انداز سے دی۔
ایمان سلیمان کی شادی سید جمیل حیدر رضوی کے ساتھ ہوئی، انہوں نے سماجی رابطے کی ویب سائٹ انسٹاگرام پر اپنی شادی کی تصاویر شیئر کرتے ہوئے لکھا کہ ’اب ہم محرم ہوگئے‘۔
یاد رہے کہ گزشتہ برس نومبر میں ایمان کی شادی کے حوالے سے خبریں زیر گردش تھیں جس پر اداکارہ نے سوشل میڈیا پر ایک پوسٹ شیئر کر کے شادی کا اعلان کیا تھا۔
انہوں نے لکھا کہا تھاکہ ’ہاں، جمیل اور میں شادی پر رضامند ہیں اور ہم نے ایک ساتھ وقت گزارنے کا فیصلہ بھی کرلیا، اب ہم دونوں ابدی نیند سونے تک ایک دوسرے کے ساتھ ہی رہیں گے‘۔
یاد رہے کہ پاکستانی شوبز ان ڈسٹری میں ان دنوں شادی کا دور دورہ ہے، چند روز قبل اقرا عزیز اور یاسر حسین ازدواجی بندھن میں بندھے، دونوں نے شادی بہت ہی سادگی سے کی اور کوئی بڑا پروگرام منعقد نہیں کیا۔
