The news is by your side.

سوئس کھلاڑی کا مخالف ٹیم کیخلاف گول کرنے پر جشن منانے سے انکار

دوحہ: سوئٹزرلینڈ کے کھلاڑی بريل امبولو نے فیفا ورلڈ کپ 2022 میں کیمرون کے خلاف واحد گول کرنے کے باوجود جشن اس کا منانے سے انکار کر دیا۔

گروپ جی میں آج سوئٹزرلینڈ اور کیمرون کی ٹیموں آمنے سامنے آئیں۔ سوئس کھلاڑی بریل امبولو نے 48 منٹ پر گول داغ دیا جس سے ٹیم کو فتح حاصل ہوئی۔

فٹ بالر اکثر گول کرنے پر جشن منانے کے لیے گراؤنڈ میں دوڑ لگاتے ہیں، شرٹ اتار دیتے ہیں یا پھر ٹیم کے دیگر کھلاڑی اسے کندھے پر اُٹھا کر خوشی مناتے ہیں لیکن اس مقابلے میں صورتِ حال غیر معمولی رہی۔

بريل امبولو نے جب گول کیا تو ان کی ٹیم کا ایک کھلاڑی خوشی میں بھاگتا ہوا آیا لیکن انہوں نے اسے قریب آنے سے قبل ہی رکنے کا اشارہ کر دیا۔

دراصل کیمرون بريل امبولو کا آبائی ملک ہے۔ وہ دارالحکومت یاؤندے میں پیدا ہوئے تاہم بعد میں وہ اہل خانہ سمیت سوئٹزرلینڈ کے شہر بازل منتقل ہوگئے۔ آبائی ملک کے احترام میں انہوں نے گول کرنے کا جشن نہیں منایا۔

 

View this post on Instagram

 

A post shared by FIFA World Cup (@fifaworldcup)

Comments

یہ بھی پڑھیں