The news is by your side.

Advertisement

امیرِ کویت نے صدر عارف علوی کی دورہ پاکستان کی دعوت قبول کرلی

اسلام آباد : امیرِ کویت شیخ نواف الاحمد الصباح نے صدر عارف علوی کی دورہ پاکستان کی دعوت قبول کرلی اور کہا مستقبل قریب میں دورہ پاکستان کوعملی شکل دینے کیلئے پر امید ہوں۔

تفصیلات کے مطانق صدرعارف علوی کے نام امیرِکویت شیخ نواف الاحمد الصباح کا جوابی مراسلہ موصول ہوگیا ، جس میں امیرِ کویت نے صدر عارف علوی کی دورہ پاکستان کی دعوت قبول کرلی۔

امیرکویت نے خط میں پاکستان اور کویت میں مضبوط تعلقات پر اظہارِ اطمینان کرتے ہوئے کہا مستقبل قریب میں دورہ پاکستان کوعملی شکل دینے کیلئے پر امید ہوں۔

شیخ نواف الاحمد الصباح نے تمام شعبوں میں تعلقات کو مزید وسعت دینے کے عزم کا اعادہ کرتے ہوئے کہا امید ہے کہ کورونا کی عالمگیر وبا سے دنیا کو جلد چھٹکارا حاصل ہوگا۔

خیال رہے صدر مملکت ڈاکٹر عارف علوی نے امیر کویت کو خط لکھا تھا، جس میں انھوں نے امیر کویت کو دورہ پاکستان کی دعوت دی تھی۔

یاد رہے گذشتہ ماہ کویت نے 10 سال بعد اد رہے پاکستانی شہریوں کے لئے کویت کا ویزا ‏بحال کرنے کا اعلان کیا تھا ، پاکستان اور کویت کے درمیان فیملی اور بزنس ویزا فوری بحال کرنے کا فیصلہ کیا گیا تھا جب کہ ‏پاکستانی ورکرز کو معاہدے کے مطابق کویتی ویزا جاری کرنے کا بھی فیصلہ سامنے آیا تھا۔

فیصلوں کے مطابق میڈیکل اور آئیل فیلڈ میں ٹیکنیکل ویزا پر کوئی پابندی نہیں ہوگی، خلیجی ‏ممالک میں رہنے والے پاکستانی آن لائن ویزا لے کراب کویت آسکیں گے۔ ‏

کویتی وزیر اعظم کا کہنا تھا کہ پاکستان اور کویت کے درمیان تعلقات 7دہائیوں پر محیط ہیں، ‏پاکستان اور کویت کے عوام کے درمیان پیار اور اعتماد کا رشتہ ہے۔

Comments

یہ بھی پڑھیں