The news is by your side.

Advertisement

امیر قطر کی وزیراعظم شہباز شریف کو منصب سنبھالنے پر مبارکباد

اسلام آباد : امیرقطر شیخ تمیم بن حمد بن خلفیہ آل ثانی نے وزیراعظم شہبازشریف کومنصب سنبھالنے پر مبارکباد دیتے ہوئے دونوں ممالک کے تعلقات کو مزید فروغ دینے کی خواہش کا اظہار کردیا۔

تفصیلات کے مطابق قطر کے امیر شیخ تمیم بن حمد بن خلفیہ آل ثانی نے وزیراعظم شہبازشریف کو منصب سنبھالنے پر مبارکباد دیتے ہوئے نیک خواہشات کا اظہار کیا۔

امیرقطر نے دونوں ممالک کے تعلقات کو مزید فروغ دینے کی خواہش کااظہار کرتے ہوئے کہا قطر دونوں ممالک کے مفادات کی حمایت اور مضبوطی کا خواہاں ہے۔

دوسری جانب وزیراعظم شہباز شریف نے کہا ہے کہ امیر قطر شیخ تمیم بن حمد نے پاکستان کی ہر مشکل وقت میں مدد کی ہے، جس کی ہم بے حد قدر کرتے ہیں۔

شہباز شریف کا کہنا تھا کہ ’قطر نے سستی ترین ایل این جی فراہم کر کے پاکستان کو روشن بنانے میں ناقابل فراموش مدد کی۔

Comments

یہ بھی پڑھیں