The news is by your side.

Advertisement

امارات ایئر لائن کی شان دار کارکردگی، برطانوی ادارے کی جانب سے گولڈ میڈلز

دبئی: امارات ایئر لائن نے محفوظ ٹرانسپورٹ کی خدمات پر سونے کے تین تمغے جیت لیے۔

تفصیلات کے مطابق امارات ایئر لائن کی شان دار کارکردگی پر برطانوی ادارے کی جانب سے گولڈ میڈلز دیے گئے ہیں، جو کہ دنیا کی صف اوّل کی فضائی نقل و حمل کی خدمات فراہم کرنے والی ایئر لائن کی شان دار زمینی نقل و حمل کی خدمات کا اعتراف ہے۔

محفوظ ترین زمینی نقل و حمل کے اعتراف میں یہ میڈلز برطانوی ادارے آر او ایس پی اے (RoSPA) ہیلتھ اینڈ سیفٹی ایوارڈز کی جانب سے دیے گئے ہیں۔

امارات واحد ایئر لائن ہے جس نے مسلسل 2 سال ایوارڈ حاصل کیا، امارات کی ٹیم نے تین کیٹیگریز فلیٹ سیفٹی، ہیلتھ اینڈ سیفٹی، اور لیژر سیفٹی میں گولڈ ایوارڈز حاصل کیے ہیں، جو آپریشنل سیفٹی کارکردگی، صحت اور تحفظ کے گورننس سسٹم، اور اپنے لوگوں اور صارفین کی حفاظت کے لیے کووِڈ 19 کی وسیع پیمانے پر حفاظتی تدابیر پر دیے گئے ہیں۔

واضح رہے کہ متحدہ عرب امارات میں، امارات ایئر لائن اپنے عملے اور دیگر ملازمین کو کام کی جگہوں پر لانے اور واپس چھوڑنے کے لیے ایک ہزار سے زائد گاڑیاں استعمال کر رہی ہے، معمول کے مطابق روڈ پر سالانہ وزٹس کی تعداد اوسطاً 25 لاکھ بنتی ہے۔

ایئر لائن نے امارات شوفر ڈرائیو سروس معاہدے کے تحت اپنے پریمیم صارفین کو آرام دہ طریقے سے ایئر پورٹ تک لانے اور واپس لے جانے کے لیے خدمات فراہم کرنے والے اداروں کے لیے ایک معیار اور پروٹوکول مقرر کر رکھا ہے۔

خیال رہے کہ آر او ایس پی اے (حادثات کی روک تھام کے لیے رائل سوسائٹی) ایک برطانوی تنظیم ہے، جو دنیا بھر میں پیشہ ورانہ صحت و تحفظ، اور سڑک، گھر، تفریح ​​اور تعلیم کو فروغ دینے اور سہولیات کی فراہمی کے لیے کوشاں ہے۔ 2021 میں، ان ایوارڈز کے لیے دنیا بھر سے کمپنیوں کی جانب سے 2 ہزار سے زائد اندراجات موصول ہوئے تھے۔

Comments

یہ بھی پڑھیں