تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عرب امارات: مسافروں کے لیے بڑی خوش خبری

دبئی: متحدہ عرب امارات نے اپنے شہریوں کو خوش خبری دی ہے کہ اب وہ امارات ایئر لائن کے ذریعے 19 ممالک کی قرنطینہ فری سیر کر سکتے ہیں۔

تفصیلات کے مطابق متحدہ عرب امارات کے باشندے امارات ایئر لائن کے نیٹ ورک کے ذریعے 19 ممالک کے 30 سے ​​زائد ایسے شہروں کے لیے موسم گرما کی تعطیلات کی منصوبہ بندی کر سکتے ہیں، جو سیاحت اور کاروبار کے لیے اپنے دروازے کھول چکے ہیں۔

جولائی سے امارات ایئر لائن دبئی سے یورپ، امریکا، مشرق وسطیٰ، افریقا اور دیگر مشہور جزیروں کو جانے والے مسافروں کے لیے ہفتہ وار 280 سے زیادہ پروازیں چلائے گی، حال ہی میں اسپین کی جانب سے بھی ویکسین لگوانے والے بین الاقوامی سیاحوں کو آنے کی اجازت دی گئی ہے۔

ہسپانوی حکام کا کہنا ہے کہ 7 جون سے وہ سیاح اسپین میں داخل ہو سکتے ہیں جو 14 دن پہلے ویکسینیشن پوری کرا چکے ہوں، اور ویکسین یورپی میڈیسن ایجنسی (EMA) کی منظور کردہ ہو، ان میں فائزر بائیو این ٹیک، سائنوفارم اور آکسفورڈ/ آسٹر زینیکا شامل ہیں۔

امارات ایئر لائن اس وقت میڈرڈ کے لیے 5 ہفتہ وار پروازیں اور بارسلونا کے لیے ہفتے میں 4 پروازیں چلا رہی ہے، یورپ میں امارات کے مسافر قبرص، یونان، اٹلی، روس، ترکی، اسپین اور فرانس کے لیے (9 جون سے) قرنطینہ فری سفر سے لطف اندوز ہو سکیں گے، جب کہ مشرق وسطیٰ میں اردن، لبنان، بحرین اور مصر ایسے سفر کے لیے کھلے ہیں، دیگر علاقوں میں مالدیپ، سیچلز، فوکٹ، کینیا، تنزانیہ، مراکش شامل ہیں۔

امارات 21 جولائی کو میامی کو اپنے 12 ویں گیٹ وے کے طور پر شامل کرے گی، 2 جولائی کو میکسیکو سٹی کے لیے دوبارہ اپنی خدمات کا آغاز کرے گی۔

Comments

- Advertisement -