The news is by your side.

Advertisement

امارات ایئر لائن کا سعودی عرب اور سینٹ پیٹرز برگ کے لیے دوبارہ پروازیں شروع کرنے کا اعلان

ابو ظہبی: امارات ایئر لائن نے اعلان کیا ہے کہ وہ 11 ستمبر سے سعودی عرب اور 8 اکتوبر 2021 سے روسی شہر سینٹ پیٹرز برگ کے لیے دوبارہ اپنی سروسز شروع کرے گی۔

اماراتی ویب سائٹ کے مطابق امارات ایئر لائن ہفتے سے سعودی عرب کے لیے 24 ہفتہ وار پروازیں شروع کرے گی جن میں دارالحکومت ریاض، جدہ اور دمام کے لیے روزانہ پروازیں جبکہ مدینہ کی تین ہفتہ وار پروازیں شامل ہیں۔

ریاض کے لیے پروازیں 16 ستمبر سے دوگنی ہوجائیں گی جبکہ ستمبر کے آخر تک دوسرے گیٹ ویز پر تعداد بڑھانے کے منصوبے بھی جاری ہیں۔

8 اکتوبر سے دبئی اور روسی شہر سینٹ پیٹرز برگ کے درمیان پروازیں ہفتے میں 4 بار چلیں گی، ایئر لائن 21 اکتوبر سے روزانہ کی پروازوں میں اپنی سروسز بڑھا دے گی۔

تمام پروازیں بوئنگ 777 پر 3 کلاس ترتیب میں چلیں گی، امارات کی پرواز ای کے 173 اور 174 پیر، بدھ اور جمعہ کو چلے گی جبکہ ای کے 175 اور 176 منگل، جمعرات، ہفتے اور اتوار کو آپریٹ ہوں گی۔

Comments

یہ بھی پڑھیں