The news is by your side.

Advertisement

ایمرٹس کے لیے دنیا کی محفوظ ترین ایئر لائن کا اعزاز

ابو ظہبی: متحدہ عرب امارات کی ایئر لائن ایمرٹس مسلسل دوسرے سال دنیا کی محفوظ ترین ایئر لائن قرار پائی ہے، ابو ظہبی کی فضائی کمپنی اپنے سائز کی وجہ سے عالمی فہرست میں جگہ نہیں بنا سکی۔

اماراتی ویب سائٹ کے مطابق دبئی کے فلیگ شپ کیریئر ایمرٹس کو مسلسل دوسرے سال دنیا کی محفوظ ترین ایئر لائن کا درجہ مل گیا، ایئر لائن نے 95 اسکور حاصل کیا۔

جیٹ ایئر لائن کریش ڈیٹا ایویلیو ایشن سینٹر کی طرف سے جاری کردہ رپورٹ میں کہا گیا کہ کے ایل ایم کو 93.31 فیصد کے اسکور کے ساتھ دنیا کی دوسری محفوظ ترین ایئر لائن قرار دیا گیا۔

امریکی ایئر لائنز جیٹ بلیو اور ڈیلٹا ایئر لائنز کو بالترتیب تیسرے اور چوتھے نمبر پر رکھا گیا جبکہ ایزی جیٹ نے پانچویں پوشین حاصل کی۔

رپورٹ کے مطابق خلیجی ممالک میں اتحاد ایئر ویز سرفہرست رہی، ابو ظہبی کی فضائی کمپنی اپنے سائز کی وجہ سے عالمی فہرست میں جگہ نہیں بنا سکی۔ یورپ میں ایزی جیٹ، ٹرانس ایویا، ایئر یورپ، فن ایئر، کے ایل ایم اور نارویجن کو براعظم کی محفوظ ترین ایئر لائن کا درجہ دیا گیا۔

انٹرنیشنل ایئر ٹرانسپورٹ ایسوسی ایشن نے اس سے قبل پیشن گوئی کی تھی کہ وبا کی وجہ سے 2022-2020 کے دوران عالمی ایئر لائن انڈسٹری کا نقصان 201 بلین ڈالر تک پہنچ جائے گا۔

ڈائریکٹر جنرل ولی والش نے کہا تھا کہ ایئر لائنز کے لیے کرونا وائرس کے بحران کی شدت بہت زیادہ ہے، اس مدت کے دوران ان کا کل نقصان 200 بلین ڈالر تک پہنچ سکتا ہے۔

Comments

یہ بھی پڑھیں