دبئی: متحدہ عرب امارات کی معروف کاروباری شخصیت سہیل گلداری نے پاکستان میں سرمایہ کاری کرنے کا اعلان کردیا۔
اے آر وائی نیوز کی رپورٹ کے مطابق وزیراعظم عمران خان کے معاونِ خصوصی برائے سمندر پار پاکستانی زلفی بخاری کی سہیل گلداری سے ملاقات ہوئی۔
اس ملاقات میں یواےای کی معروف شخصیت سہیل گلداری نے پاکستان میں سرمایہ کاری کا اعلان جس کا وزیراعظم کے معاون خصوصی زلفی بخاری کاسرمایہ کاری کےفیصلےکاخیرمقدم بھی کیا۔
مزید پڑھیں: بےسہارا پاکستانیوں کی مدد کرنے پر پاکستانیوں کا شکر گزار ہوں، زلفی بخاری
زلفی بخاری کا کہنا تھا کہ گلداری برادرز پاکستان میں فائیو اسٹار ریزورٹس میں سرمایہ کاری کریں گے، اس کمپنی نے ہی فائیو اسٹار ہوٹلز، ریزورٹس کے قیام کی بنیاد رکھی۔
اُن کا کہنا تھا کہ گلداری براردز پاکستان میں سرمایہ کاری کیلئے کو ہر ممکن سہولت فراہم کرنے کوتیار ہیں۔ یاد رہے کہ سہیل گلداری یو اے ای کی کاروباری شخصیت اور عالمی جریدےخلیج ٹائمز کے مالک بھی ہیں۔
KT @khaleejtimes One on One with @sayedzbukhari 2/3 pic.twitter.com/jJTfozJxOJ
— Ministry of Overseas Pakistanis & HRD 🇵🇰 (@mophrd) July 26, 2020
یاد رہے کہ وزیراعظم کے معاونِ خصوصی ان دنوں متحدہ عرب امارات کے دورے پر ہیں۔ ایک روز قبل زلفی بخاری نے سماجی رابطے کی ویب سائٹ پر اپنے ٹویٹ میں خوش خبری سنائی کہ یو اے ای میں مقیم پاکستانی کارکنان کو پاکستانی کمیونٹی اور حکومت پاکستان نے مفت ٹکٹس فراہم کیے۔
