The news is by your side.

Advertisement

فرانسیسی صدر کا زوردار مصافحہ ٹرمپ کے ہاتھ پر نشان چھوڑ گیا

سنگاپور: امریکی صدر ڈونلڈ ٹرمپ غیر ملکی سربراہان اور رہنماؤں کے ساتھ اپنے زور دار مصافحے کے حوالے سے کافی شہرت رکھتے ہیں تاہم گزشتہ روز جی سیون کے اجلاس کے دوران میکرون نے ٹرمپ سے ہاتھ ملایا تو ٹرمپ کے ہاتھ پر نشان واضح ہوگئے۔

برطانوی اخبار کی رپورٹ کے مطابق فرانسیسی صدر ایمانوئیل میکرون نے ڈونلڈ ٹرمپ کے ساتھ مصافحے کے دوران 25 سیکنڈ تک زوردار طریقے سے ان کا ہاتھ تھامے رکھا، جس کے نتیجے میں ان کا ہاتھ لال پڑ گیا اور میکرون کی انگلیوں کے نشان ٹرمپ کے ہاتھ پر واضح تھے۔

میکرون نے پہلے تو ٹرمپ کی کہنی پکڑی اور پھر ان کا ہاتھ اپنی طرف بڑھایا، ٹرمپ نے بھی اپنا ہاتھ میکرون کو پیش کردیا تو فرانسیسی صدر نے اسے طاقت سے پکڑ لیا اور اس پر دباؤ ڈالے رکھا، ٹرمپ کو کچھ دیر بعد ہی ہاتھ کھینچ لینے میں ہی عافیت نظر آئی۔

ٹرمپ نے صحافیوں کو فرانسیسی صدر کے بارے میں بتاتے ہوئے کہا کہ یہ میرے دوست ہیں، ابتدا سے ہی ہمارا تعلق شاندار رہا ہے۔

یاد رہے کہ ڈونلڈ ٹرمپ نے اقتدار میں آنے کے بعد زور دار طریقے سے مصافحے کے حوالے سے شہرت حاصل کی تھی، جس میں وہ دوسرے کے ہاتھ کو سختی کے ساتھ پکڑا کرتے تھے البتہ اس مرتبہ میکرون نے انہیں ایسا موقع ہی نہیں دیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں