اپنی زندگی کے 30 قیمتی سال ٹرانسپورٹ کارپوریشن کو دینے والا شخص جب ریٹائر ہوا تو اس نے وہ کیا جس کو دیکھ کر سب حیران رہ گئے۔
ہر ملازم کی زندگی میں ایک دن آتا ہے جب وہ ملازمت سے ریٹائر ہوتا ہے تاہم اپنی زندگی کے کئی قیمتی سال دینے کے بعد کسی بھی شخص کے لیے اس ادارے کو الوداع کہنا آسان نہیں ہوتا۔ ساتھیوں کی جانب سے الوداعی تقریب میں کئی ایسے جذباتی مناظر دیکھنے میں آتا ہیں کہ صرف رخصت ہونے والا ہی نہیں بلکہ رخصت کرنے والے لوگ بھی آبدیدہ ہوجاتے ہیں۔
ایسی ہی ایک ویڈیو بھارت سے سوشل میڈیا پر وائرل ہو رہی ہے۔ جس میں ایک ٹرانسپورٹ کارپوریشن کو اپنی زندگی کے 30 قیمتی سال دینے والا شخص جب ریٹائر ہوا تو ایسے جذباتی ردعمل کا مظاہرہ کیا کہ جس نے بھی دیکھا اس کی آنکھیں بھیگ گئیں۔
تامل ناڈو میں اسٹیٹ ٹرانسپورٹ کارپوریشن میں بحیثیت بس ڈرائیور کام کرنے والے شخص نے اپنی جاب کے آخری دن اس بس کو جسے وہ دوران ملازمت سالوں چلاتا رہا بوسہ دیا اور گلے لگایا۔
#WATCH | A #driver from #TamilNadu State Transport Corporation, who worked for 30 years, was seen kissing and bidding an emotional #goodbye to his #bus on the day of his retirement
(HT video) pic.twitter.com/FrbwWNKFBr
— Hindustan Times (@htTweets) June 2, 2023
ٹوئٹر پر شیئر کی گئی ویڈیو میں اس شخص کو بس کے اندر ڈرائیور کی سیٹ پر بیٹھے دکھایا گیا۔ پھر وہ اسٹیئرنگ وہیل کو چومنے کے لیے آگے بڑھتا ہے جس کے بعد ہاتھ جوڑ کر دعا مانگتا ہے۔ اس کے بعد بس سے اتر کر وہ گاڑی کے سامنے کی طرف جاتا ہے اور اسے گلے لگاتا ہے۔
جس نے بھی اس ویڈیو کو دیکھا وہ بے حد جذباتی ہوا اور مذکورہ شخص کی اپنی ملازمت سے محبت نے انہیں بہت متاثر کیا۔