site
stats
پاکستان

ملازم کا مبینہ قتل: ایم پی اے کی بیٹی کی ضمانت میں توسیع

PML N MPA

لاہور : انسداد دہشت گردی کی عدالت نے کمسن ملازم کے قتل میں نامزد ممبر صوبائی اسمبلی کی بیٹی کی عبوری ضمانت میں اٹھائیس جولائی تک توسیع کردی۔

تفصیلات کے مطابق لاہور کی انسداد دہشت گردی عدالت نے کمسن ملازم کو تشدد کر کے قتل کرنے کے مقدمے میں نامزد ممبر صوبائی اسمبلی کی بیٹی فوزیہ بی بی کی عبوری ضمانت کے لیے دائر درخواست کی سماعت کی۔

ملزمہ کے وکیل نےعدالت کو بتایا کہ پندرہ سالہ اختر ملزمہ کے گھر ملازم تھا، جسے بیماری کے باعث اسپتال لے جایا گیا مگر وہ جاںبر نہیں ہوسکا۔

وکیل کا کہنا تھا کہ ملازم کو تشدد کرکے ہلاک کرنے کا الزام درست نہیں ہے لہٰذا عدالت مقدمہ میں عبوری ضمانت منظور کرکے پولیس کو گرفتاری سے روکنے کا حکم جاری کرے۔

عدالت نے دلائل سننے کے بعد ملزمہ کی دو لاکھ روپے مچلکوں کے عوض اٹھائیس جولائی تک عبوری ضمانت منظور کرلی۔


مزید پڑھیں: رکن اسمبلی کی بیٹی کے مبینہ تشدد سے ملازم ہلاک‘ بہن زخمی


واضح رہے کہ مسلم لیگ ن کی رکن صوبائی اسمبلی شاہ جہاں کی بیٹی فوزیہ کے مبینہ تشدد سے گھریلو ملازم سولہ سالہ اختر جاں بحق جبکہ اس کی گیارہ سالہ بہن شدید زخمی ہوگئی تھی، تشدد کا نشانہ بننے والی عطیہ کا کہنا تھا کہ ہم پرتشدد لوہے کے راڈ اور ڈنڈوں سے کیا جاتا تھا۔


ایک اورسابق لیگی ایم پی اے کے گھر کمسن ملازمہ پر تشدد، بچی بازیاب


Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top