تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

کراچی : ڈاکوؤں نے مزاحمت پر لیبارٹری ملازم کو گولی ماردی

کراچی : شہر قائد میں مسلح افراد کی لوٹ مار کا سلسلہ تمام تر دعوؤں کے باوجود کم نہ ہوسکا، ڈاکو دن دہاڑے شہریوں کو لوٹ کر اور زخمی کرکے باآسانی فرار ہورہے ہیں۔

کراچی کے علاقے صدر لکی اسٹارکے قریب ایک لیبارٹری میں ڈکیتی اور فائرنگ کا واقعہ پیش آیا ہے۔

واردات کی سی سی ٹی وی فوٹیج اے آر وائی نیوز نے حاصل کرلی، فوٹیج میں دو ڈکیتوں کو لیبارٹری کے اندر داخل ہوتے ہوئے دیکھا جاسکتا ہے۔

ایک ملزم لیبارٹری اسٹاف پر اسلحہ تان کرکھڑا رہا اوردوسرا ان کی تلاشی لیتا رہا، واردات کے دوران لیبارٹری میں موجود ملازم نے مزاحمت کی کوشش کی۔

فوٹیج میں دیکھا جاسکتا ہے کہ مزاحمت کے دوران ملزم لیبارٹری کے ملازم کو زدو کوب بھی کرتا رہا، مزاحمت پر ڈاکو نے لیبارٹری ملازم کی ٹانگ پر گولی ماری اور واردات کے بعد فرار ہوگئے۔

علاوہ ازیں کراچی کے ضلع وسطی میں کیفے پیالہ کے قریب اِنجن آئل کی دُکان میں ڈکیتی کی واردات ہوئی جس میں تین مسلح ملزمان اسلحہ کے زور پر نقد رقم اور دیگر قیمتی اشیاء لوٹ کر فرارہوگئے۔

ڈکیتی کی واردات کی سی سی ٹی وی ویڈیو منظرعام پرآگئی جس میں دیکھا جاسکتا ہے کہ موٹرسائیکل پر 3 ملزمان دُکان پرآتے ہیں اور آتے ہی دکاندار کا بٹوہ جیب سے نکال لیتے ہیں۔

<p>ڈکیتی کی واردات کی سی سی ٹی وی ویڈیو منظرعام پرآگئی۔ اسکرین گریب</p>

ایک ملزم بٹوے سے پیسے نکالنا شروع کرتا ہے اور دیگر دو ملزمان دُکان کی تلاشی لینا شروع کردیتے ہیں لوٹ مار کے بعدملزمان با آسانی فرار ہوجاتے ہیں۔

Comments

- Advertisement -