The news is by your side.

Advertisement

کراچی ایکسپو سینٹر میں تنخواہ نہ ملنے پر ملازمین سراپا احتجاج ، عوام کی ویکسینیشن کا عمل معطل

 ‌کراچی : پاکستان کے سب سے بڑے ویکسینیشن سینٹر میں تین ماہ سے تنخواہ نہ ملنے پر ورکرز سراپا احتجاج ہوگئے  ، جس کے باعث عوام کی کورونا ویکسینیشن کا عمل معطل ہوگیا ہے۔

تفصیلات کے مطابق کراچی میں پاکستان کے سب سے بڑے ویکسینیشن سینٹر میں کنٹریکٹ ملازمین نے عوام کی رجسٹریشن کا عمل روک دیا ، جس کے باعث کورونا ویکسینیشن کا کام معطل ہوگیا ہے۔

کراچی ایکسپو سینٹر میں تین ماہ سے تنخواہ نہ ملنے پر ورکرز سراپا احتجاج ہیں ، مظاہرین نے پلے کارڈز اٹھا کر ایکسپو سینٹر کے باہر احتجاج کرتے ہوئے ہمیں ہمارا حق دیا جائے، جو وعدہ کیا وہ نبھایاجائے، کے نعرے لگائے۔

احتجاجی مظاہرین کے مطابق تنخواہ نہیں تو کام بھی نہیں، سینٹر میں تین سو کے قریب ورکرز رجسٹریشن کے کام پر معمور ہیں۔

ورکرز کے احتجاج کے باعث ویکسین لگوانے والے شہری کئی گھنٹوں کے انتظار کے بعد واپس جانے لگے۔

Comments

یہ بھی پڑھیں