سندھ بھر میں ڈبل سواری پرعائد پابندی ختم - ARYNews.tv Breaking news
The news is by your side.

Advertisement

سندھ بھر میں ڈبل سواری پرعائد پابندی ختم

کراچی : چہلم امام حسینؓ کے موقع پر سندھ بھر میں عائد کردہ موٹر سائیکل کی ڈبل سواری پرعائد پابندی ختم کردی گئی۔

 سیکیورٹی خدشات کے پیش نظر سندھ حکومت نے 20 اور 21 نومبر کو صوبے بھر میں موٹر سائیکل کی ڈبل سواری پر پابندی عائد کی تھی جو پیر کی رات 12 بجے ختم ہوگئی۔

سندھ حکومت کی جانب سے حضرت امام حسینؓ کے چہلم کے موقع پر امن و امان برقرار رکھنے اور کسی ناخوشگوار واقعے سے نمٹنے کے لیے ڈبل سواری پر پابندی لگانے کا فیصلہ کیا تھا۔

چہلم امام حسین رضی اللہ عنہ کے موقع پر سندھ بھر میں ڈبل سواری پر پابندی عائد کرنے کا نوٹی فکیشن 17 نومبر کو جاری کیا گیا تھا جس کے مطابق 12 سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ قرار دیے گئے تھے۔

قبل ازیں ڈبل سواری پر پابندی 8 محرم الحرام سے 10 محرام الحرام کی شب تک لگائی گئی تھی اور خلاف ورزی کرنے والوں کو ایک رات تھانے میں گزارنے کے ساتھ ساتھ 5ہزار روپے کی زر ضمانت کے عوض عدالت سے رہا کیا گیا ۔

Comments

comments

یہ بھی پڑھیں