قومی اسمبلی اجلاس ختم ہونے کے بعد نیب نے شہباز شریف کو اپنی تحویل میں لے لیا shehbaz sharif
The news is by your side.

Advertisement

قومی اسمبلی اجلاس ختم ہونے کے بعد نیب نے شہباز شریف کو اپنی تحویل میں لے لیا

اسلام آباد: قومی اسمبلی اجلاس ختم ہونے کے بعد نیب ٹیم شہباز شریف کو اپنی تحویل میں لے کر لاہور کے لیے روانہ ہوگئی۔

تفصیلات کے مطابق قومی اسمبلی اجلاس ختم ہونے کے بعد نیب ٹیم شہباز شریف کو اپنی تحویل میں لے کر لاہور کے لیے روانہ ہوگئی، سابق وزیراعلیٰ پنجاب کو پروڈکشن آرڈر پر قومی اسمبلی اجلاس میں شرکت کے لیے لایا گیا تھا۔

قومی اسمبلی کا اجلاس ختم ہونے کے بعد شہباز شریف کو نیب کے حوالے کیا گیا، سابق وزیراعلیٰ پنجاب کو بذریعہ طیارہ اسلام آباد سے واپس لاہور پہنچایا جائے گا۔

قومی اسمبلی اجلاس میں شہباز شریف کا کہنا تھا کہ میں پاکستان تحریک انصاف اور نیب کے اتحاد پر بات کرنا چاہتا ہوں، ن لیگ کے لیڈرز کے خلاف 13 مئی کو دہشت گردی کے پرچے کاٹے گئے۔

مزید پڑھیں: قومی اسمبلی اجلاس: شہباز شریف کے اداروں پر بھرپور الزامات

ان کا کہنا تھا کہ نیب میں حاضریاں اور گرفتاریاں ن لیگی اراکین کی ہوئیں، چیئرمین نیب نے میری گرفتاری کے آرڈرز 6 سے 13 جولائی کے درمیان دیا تھا۔ ’شیخ رشید نے ایسے ہی تو نہیں کہا تھا کہ شہباز شریف جیل کی ہوا کھائے گا۔

شہباز شریف نے مزید کہا تھا کہ فیصلہ ایوان نے کرنا ہے وہی جنگل کا قانون ہوگا، ہٹلر کا انجام یاد رکھنا چاہیئے، نیب کے عقوبت خانے میں ہوا کا گزر نہیں، سورج نظر نہیں آتا، سیاست دان سختیاں برداشت کرتا ہے اور کرتا رہے گا۔

خیال رہے کہ نیب لاہور نے شہباز شریف کو آشیانہ ہاؤسنگ اسکینڈل میں گرفتار کیا تھا اور گزشتہ روز ان کا 10 روزہ جسمانی ریمانڈ ختم ہونے کے بعد عدالت نے ان کے ریمانڈ میں 14 روز کی توسیع کی تھی۔

Comments

comments

یہ بھی پڑھیں